احنا بنبيع بيتنا علشان عايزين نشترى فى مكان تانى بقالنا اربع سنين عارضينه للبيع وروحنا للجيران سألناهم اكتر من عشر مرات لو يلزمهم البيت قالوا لا مش محتاجينه.
طبعا هو فى شارع ضيق وكل ما حد ييجى ميرضاش بيه علشان الشارع لحد لما ربنا اكرمنا ولقينا واحد اشتراه واتفقنا على السعر ودفع مبلغ وكتبنا العقود وكله تمام.
رجع جارنا راح للراجل اللى اشترى البيت وقاله البيت يلزمنى وانا اولى بيه ومينفعش كده المهم.
وعامل مشاكل وكل ما يقابل حد يقوله لدرجه انه بيوقعنا فى ناس علشان فيه نسب بينا وبينه بمعنى اصح عايز يخرب البيت وانا مش عارف اعمل معاه ايه مع انى متعديتش الاصول وسألته بدل المره عشرة.. أفيدونى بالله عليكم.
