صرف الماسورة اللى بنحط فيها خرطوم حوض المطبخ؛ تسلك ازاى؟ بطلع منها حاجات بيضاء زاى الجير كده، والميه واقفه فيها وحطيت ميه سخنه وبريل..
الرد
الطريقة #1: تجيبى خرطوم طويل وتدخلية فى البلاعة وتفتحى المية على آخرها، وياريت لو بالموطور كمان، خلي الماء يتدفق بقوة، تدخلية وتخرجية هيسلك -ان شاء الله-؛ ودي طريقة مجربة لتسليك حوض المطبخ والوش عندي.
الطريقة #2: بودرة من محلات مسلزمات السباكة بتتحط وتفضل نص ساعة بتفور اي رواسب سادة البلاعة.
الطريقة #3: كيس بلاستيك أو اتنين في ايدك وجهزي واحد تلمي فيه؛ وبايدك شيلي كل اللى جوه هتلاقي فيه فرق في الصرف.
الطريقة #4: فيه سلك سوسته فيه شوكه من قدام بتدخل وتخرج بمكبس فى آخر السلك وهى طويله ومرنه وتمنها حوالى ٢٥ جنيه. ممتازه للحوض والبلاعة؛ وبتتباع عند تجار الادوات الصحية.. لكن الحقيقة فيه ناس بتقول محتاجة خبير.
