المحرر موضوع: هل الأفضل كابلات/أسلاك شركة الدكتور أو السويدي ؟  (زيارة 34 مرات)

جناح طاير

  • Full Member
  • ***
  • مشاركة: 243
    • مشاهدة الملف الشخصي

هل الأفضل كابلات/أسلاك شركة الدكتور أو السويدي ؟

« في: حزيران 24, 2021, 08:28:03 صباحاً »
أي نصائح قبل تأسيس الكهرباء ؟ أخويا كان بيقولي هيشتري نوع كابلات من شركة الدكتور - لما قولتله نشتري السويدي قالي فيه منه مغشوش في السوق كتير. يا ريت لو فيه نصيحة.

الرد
السويدي لو معتمد ومن الوكيل المعتمد طبعا لا يعلى عليه، بس غالي الثمن جدا رغم نسبة الخصم اللى بتنزل عليه.

لكن البدائل متاحة:
  • الدكتور سلك ممتاز.
  • والسمكتين.
  • وفيه سلك اسمه مايو ده تبع السويدي بردو ممتاز وسعره مناسب.
وغيرهم كتير..

لازم الفني الخبره يروح معاك وانت بتشتري السلك هيمسك السلك ويقشره ويشوف النحاس والعزل ويقولك على جودة السلك حتى لو السلك بدون بيانات اصلا.

السويدى اكيد نمره واحد والدكتور الكل شغال بيه دلوقتى والاثنين بينضرب منهم مش شرط. روح لموزع معتد محل توزيع كبير نزل برنامج قراءه الباركود علشان تعرف اصلى وله لا.

متخليش الكهربائى يمشى سلك فى ارضية الحمام أو المطبخ؛ لو فيه سخان لازم ليه سلك لوحده من اوله لغايه القاطع.

الفسحه او الفنج خليه على ٣ او٤ مفاتيح لانه ممكن يخليهالك على مفتاح واحد وده خراب بيوت لانك من حتحتاج اكتر من لمبه او ٢.

اعمل برايز على قد ما تقدر حتى فوق احتياجك دلوقتى، احسن ما تملأ البيت مشتركات.

والاهم اسس الكاميرا بره السقه ادام الباب مش هتكلفك ٤٠٠ جنيه بالجهاز والكاميرا؛ بس حاجه اساسيه فى الزمن ده.