من ساعة بس حصل موقف لغاية اللحظة بلوم نفسي اني سكت فيه؛ شاب من دولة أفريقية رايح يركب جنب سواق الميكروباص قاله خلاص قدام ولما ركب وراه جه اتنين عادي ركبوا فالشاب نزل وقاله ليه انا مركبش جنبك رد التاني بتلقائية ( عشان أسود ) الشاب انفعل وقاله انا انسان ومسلم زيي زيك السواق نزل و كان عايز يشتبك مع الشاب ده لكني سحبته من ايده وركبته ميكروباص تاني قدام بردو وركبت جنبه وحاولت افهم الشاب ( من اوغاندا ) ان تصرف السواق تصرفه وحده ويسأل عنه.
لكن كان رده انه تعود على الاهانة اليومية بطرق مختلفة لكن هيسامحهم يوم القيامة امام الله عشان يعرفوا انه أحسن منهم حسب تعبيره.. انا مش عارف سكت ليه للسواق وليه ده اصلا يحصل و لما اقابل حالة عنصرية بالشكل ده ايه الصح يتعمل قانونا؟
