مش عارف أنام من كتر التفكير وأحتاج لنصائح تساعدني

[جناح طاير]

عندي مشكلة كبيرة جدا؛ انا ممكن انام الساعة ١٠ بالليل مثلا مروحش في النوم غير الساعة ٢ بالليل من كتر التفكير؛ دماغي لوحدها غصب عني بتفضل تفكر في كل حاجه حتى لو صغيرة.

الحمد لله أصلي وأقول أذكار وأشغل قرآن قبل ما انام واثناء النوم؛ لاكن مش بعرف ابطل تفكير؛ دماغي لا اراديا بتفضل تحرق طول الليل.

حاولت اهد نفسي في الشغل أثناء التدريب علشان انام مهدود بردو مفيش فايده؛ بحاول افصل دماغي انها تفكر بأي طريقه مفيش فايده.

مع العلم معنديش اي مشاكل صحية ولا مادية وكده؛ مع العلم اني ببزل مجهود خرافي كل يوم يهد اي حد؛ مبقتش عارف انام ولا ارتاح.. حد عنده حل؟



الرد

١- متبذلش مجهود كبير قبل النوم مباشره.
٢- كل اكل خفيف قبل النوم.
٣- نام في مكان رطب وجسمك يكون رطب.
٤- حاول تبعد عن المكيفات زي الشاي والقهوه والسجاير واي حاجه زيهم.
٥- ابعد عن أي مصدر الضوء قبل النوم الصناعي قبل النوم بساعه علي الاقل.
٦- ابعد عن الفون قبل النوم بساعتين ولو لازم تستخدمه استخدم وضع القراءه أو وضع النوم أو الفلتر الاصفر.
٧- حاول تعمل ميديتيشن يوميا.
٨- حاول تخلي الفتره الي صاحي فيها متقلش عن ١٦ ساعه.
٩- جديا حاول متفكرش كتير قبل النوم.
١٠- محتاج تاخد اجازه تريح فيها اعصابك وتهتم بصحتك الجسديه والنفسيه والعقلية واقعد مع ناس صحبتها خفيفه.