أسألكم يا جماعة؛ هل حرمان الطفل من الجوال نهائيا تعتبر فكرة سديدة وناجحة؟؛ حيث أن لديّ بنتين ١٥ سنة و ٩ سنوات في الاجازة حرفيًا مش بيعملو حاجه غير انهم ماسكين الموبايل. مهما اوفرلهم البديل: قصص، خروجات، فسح، أدوات فنية، يتلهو فيها شوية وبعدين يرجعو للموبايل؛ من الفيس للواتس للتيك توك لليوتيوب للألعاب الإلكترونية. حرفيا بيصحوا ويناموا عليه، والمشكله برده في الاخر زهقانين وملانين وانتي مش فاهمانا يا ماما.
المشكله ان زوجي رافض يشتركلهم في جيم او اي نشاطات رياضية.
أحاول اسجلهم قرآن اون لاين من وراه عشان بيرفض بحجة المصاريف، مع انه بفضل الله معاه، بس شايف انها حاجات مش ليها لازمة، وانا مقدرة وكل حاجه بس هو مش مدرك حجم المشكله وخاصة اننا في غربة مافيش لا أهل ولا قرايب حتى الصحاب كل فين وفين اما نشوف ولا نكلم حد.
حد عنده اقتراحات او واجه نفس الوضع ده !
شاركوني بأفكار اعملها معاهم عشان اخرجهم من أسر الجوالات ده وكمان انا خايفة اوي من اضرار اللي بيشوفوه انتوعارفين مهما حرصنا بيظهر حاجات تخالف العقيدة او الأدب الله يحفظنا ويحفظ عيالنا يارب.
