انا متجوزه بقالي ٦ سنين، وعايشه مع حماتي عشان ست كبيره مش بتقدر تخدم نفسها. من يوم ما اتجوزت وانا في مشاكل من حماتي، انا وجوزي متفاهمين بس كل مشكله من سببها.
عشان مطولش، انا دايما في نكد، و اللي تقوله حماتي لازم يمشي من الاخر؛
جوزي لو قال ليها لأ تبقا انهدت الدنيا علينا، لدرجه اني اخت منه فلوس عشان اروح للخياطه، والله العظيم كانت ٥ جنيه، وانا نازله قولت لحماتي انا ريحه للخياط حماتي قالتلي وختي فلوس؟ قلتلها اه، جوزي اخت منه قبل مايروح الشغل، قالت ماشي، ولما جوزي جه من الشغل عملت مشكله كبيره انتا بتسبلها فلوس اصلا ليه؟ قلها عادي محصلش حاجه دي ٥ جنيه، قالتها وهيه تطلب منك فوق ليه؟ ما تطلب قدامنا هنا، اي حاجه عيزها تقول قدامنا هنا! قالها يا ستي عادي، قلتله لا، قالها طيب احنا غلطانين، بس اتوجعت لما سمعتها بتقول لجوزي دي بتحوش من وراك وبتدي لأهلها اللي حتى مش بيجبروها.. جوزي قالها لا الكلام اللي انتي بتقليه ده مش بيحصل.
انا سعتها انهرت من العياط، ازاي تقول كده عليا، ربنا اللي يعلم انا بعمل ايه من خير معها، والله والله تعبت من الست دي.
واخرت الكلام تقولي سلفتك لما بتنزل تعمل حاجه أهلها بيكونوا عاطينها فلوس، قلتلها يعني ايه! عشان جوزي يعني اللي عطاني لازم انزل اقول قدامكو طلباتي، قالتلي اه، جوزي سعتها فضل يزعقلي ويقولي مترديش عليها، عايزين نخلص الموضوع، قلتله قدامها: اسمع الكلمتين دول، وحيات المصحف الشريف ده وحيات أولادي انا عمري ما اخت منك جنيه وديته لاهلي، حماتي قالتلي قصدك ايه؟ قلتلها انا كلمتين بقولهم لجوزي، بعرفه انا بعمل ايه.
هيه عاوزاني كل حاجه أقولها، حتى لما اهلي بيدوني
فلوس لازم اعرفها.
جوزي عارف كل حاجه عني، مش محتاجه اني احكي لها كل حاجه، وبعدين دي حاجه بيني وبين اهلي، عايزانى اقولهالك ليه ؟
انا مخنوقه اوي من كلامها، ياااارب والله عنيا ورمت من العياط من الظلم اللي وقع عليا، واني مش قادره اتكلم انا وجوزي!
