المحرر موضوع: ايه الحاجات اللى على العريس ؟  (زيارة 49 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

ايه الحاجات اللى على العريس ؟

« في: حزيران 24, 2021, 11:26:55 صباحاً »
دلوقتى انا مخطوبة، وحاسة بضغط نفسي من كل اللي حواليا بسبب كلام اهلي؛ يعني انا خطيبي ماديا مرتاح وجابلي دهب كويس وهو اللي عامل المطبخ والستاير والحاجات دي، وانا اللي عليا جهازي ولبسي.

بس اهلي دايما يقطموني بالكلام، يقولوا دا لازم يجيب شاشة؛ احنا مش هنجيب غير شاشه واحده بس، ولازم في العيد يجيب بطانيه او لحاف، هو ازاي مش بيجيب حاجه.. وكلام بجد يحرق الدم، وانا مش عارفه اعمل ايه! بفكر اكلمه بس مكسوفه لان المفروض هو يعمل كدا لوحده، انا مش عارفه اعمل ايه! يمكن تشوفوا الموضوع اهبل بس بجد هو مأثر فيّ.

انا عارفه ان اهلي صح، بس الطريقة وحشه، احنا عندنا العريس بيعمل كدا، بس انا مش عارفه اجبهاله ازاي.

ممكن تفيدوني وتقلولي هو العريس المفروض يجيب ايه فعلا واكلمه في حاجه زي دي ولا لا؛ مع العلم انه مش بخيل ابدا.

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: ايه الحاجات اللى على العريس ؟

« رد #1 في: حزيران 24, 2021, 11:29:02 صباحاً »
متسمعيش لحد وبطلى بطر على النعمة. اهلك غلط طبعا؛ مش صح انكم تحملوا الرجل فوق طاقته، هو كفايه اوي اللي جابه.

اللي يجيبه يجيبه واللي ميجبوش ميجبوش، اوعي تطلبي منه، خلي العلاقه محترمه وحلوه زي مانتي وصفتي، متعكريش اللبن، دي حاجات بسيطه.

بس لو طلبتي منه ممكن يفهمها غلط ويزعل منك ومن اهلك، ويبقي خسرتي كتير.

وهوه جاب دهب كتير وراجل جدع وكريم على حد وصفك له، رجاء لا تعكري العلاقه بينكم على هيافه.