اخواتى فى الله؛ عندى بنتي جميلة وطالبة جامعية وذو خلق، بس بيتقدم لها عرسان كويسة جدا، منهم
عريس دكتور ومهندس ومحاسب، ناس محترمة جدا؛ بس المشكلة انها بتحب واحد مكملش إعدادية حتى، ومتمسكه بيه جدا.
واجهناها مرة واقتنعت أنها هتحاول تنساه بس مقدرتش، وباباها رافض الشخص اصلا، وصله القرابة فى الجواز رفضًا باتا، وانا وباباها شايفين أنه له فى مستوى الفكر خالص، واكيد مش هيبقى تفاهم لان اكيد بيبقى فى فرق بين التعليم والجهل فى المعيشة أو
الزواج.
بصراحة الكل معترض على التمسك بيه، وأنها موافقة تتجوزه؛ وكمان مفيش وظيفة، شغال فى مصنع باليومية، وهى كل طلباتها مجابة، بس عمرى ما حطيت الفكرة فى الماديات زى المستوى الفكرة والعلمى.
ارجو اراء الجميع فى هذا الموضوع لأنى تعبت بجد ومشاكل كتير بسبب الموضوع ده.
