المحرر موضوع: هل هكذا يعتبر إجبار لابني على ممارسة الرياضة؟  (زيارة 16 مرات)

مستشار

  • Sr. Member
  • ****
  • مشاركة: 344
    • مشاهدة الملف الشخصي

هل هكذا يعتبر إجبار لابني على ممارسة الرياضة؟

« في: حزيران 26, 2021, 10:05:35 صباحاً »

تقول (س.أ)؛ ممكن نصايحكم؛ ابنى بيلعب جمباز حاليا تحت ٨ سنين بقالنا ٤ سنين فيه، والحمد لله اخدنا ذهبية فى بطولة ٧ سنين، لكن من يوم ما دخلناه وانا فى عذاب معاه، وكل مرة بنروح بنكون بخناقة وعياط والى الان نفس الحكاية، وبيعيط مش عاوز يروح.

وبصراحة بيبقى صعبان عليا لان تمرينات الجمباز فعلا صعبة، والوقت بيكون طويل عليهم، فانا مش عارفة اعمل ايه بجد هل انا كده ضاغطة عليه! اطلعه منه واكتفى ببطولة واحدة ويلعب رياضة تانية ولا اكمله فيه وخلاص؟

خايفة اطلعه واندم، وفى نفس الوقت صعبان عليا عياطه كل مرة بنبقى نازلين فيها التمرين.. محتاجة ارائكم بجد.

الرد
بصي فيه حاجتين؛ فيه ناس بتمارس الرياضة عشان تطلع طاقتها وتكون بالنسبة لهم وسيلة ترفيه ، وفيه ناس بتمارس الرياضة عشان تحقق انجازات وتكون بطل رياضي.

فممارس للرياضة حاجة، وانك بتسعى لتكون بطل حاجه تانية. فبالتالي انتي اقعدي معاه وافهمي منهفيه  شوفي هو حابب يكمل ويبقى معاه كذا ميدالية، حابب يغير اللعبه ويدخل لعبه جماعيه فولي باسكت هاند .. ممكن تخليه يكمل في الجمباز مع تمرين سباحة، بحيث يكون السباحة كترفيه وكلمي الكابتن طبعا وخدي رأي الكابتن بتاعه وعرفيه الوضع.

بس عمومًا يعني صالات الرياضة والملاعب شافت عياط وألم وتعب بدني ونفسي كتير.