تسأل أحد الأخوات؛ لو سمحتم أريد معرفة أماكن ترفيهية للاطفال من أجل خروجه فسحة وبسيطة! عايزه مكان فسحه وملاهي اطفال صغيره لعيالي تلاته في القاهرة وميتعداش ١٠٠ جنيه بالمواصلات واكل بسيط؛ اللي يعرف يقولي لانهم ليهم زمن مخرجوش و زهقوا.
الردشوفي يا ست الكل...
حديقة الحيوان ب٥ جنيه الفرد يعني كدا ٢٠ جنيه.
مواصلات رايح جاي نقول ٣٠ جنيه.
وبافتراض انك عملتي سندوتشات في البيت - معاكي خمسين جنيه بقى كل واحد منهم كان بيبسي نقول ١٥ جنيه.
وكيس شيبسي من ابو ٥ جنيه، يبقي كدا ١٥ جنيه.
وكل واحد فطيره مثلا بـ ٢ جنيه الواحده يبقي ٦ جنيه.
بتبقي معاكي بتاع ١٤ جنيه لظروف الطريق ولو اتبقت وانتي طالعه معاهم البيت كل واحد فيهم بسكويت بـ ٢ جنيه وعصير بيست ابو ٣ جنيه.
وربنا يوسع عليكي ويرزقك.
