المحرر موضوع: ابني شقي كيف اتعامل معه.. عنيد ومش بيسمع الكلام ومغلبني معاه!  (زيارة 8 مرات)

محتار

  • Sr. Member
  • ****
  • مشاركة: 307
    • مشاهدة الملف الشخصي
أنا عندي طفل شقي جدا بشكل مش ممكن حد يتخيله، هو كان الأول بيسمع الكلام ولما يعمل شقاوه كان بيعتذر لما ازعل منه، بس بقاله فترة شقاوته زادت عن الحد لدرجة انه ممكن يلعب في الكهرباء او يولع البوتاجاز.

والمشكلة الأكبر أنه لما بقيت اخاصمه زي ما كنت بعمل الاول بقى عادي عنده ومش فارق معاه.

هو عنده ٧ سنين وهيدخل المدرسة السنة دي، وخايفه جدا يعمل اي حاجه في المدرسة، أنا أم وأب له، لاني مطلقة ومعنديش غيره.

وصّلني اني ضربته من كتر شقاوته ولما بيشوفني نايمه يفضل يصحيني، وعايزيني افضل صاحيه ٢٤ ساعة، ممكن يلعب طول الوقت في الشقة لأننا مبنخرجش ولا عمره لعب في الشارع، بس معرفش بقى أسلوبه عدواني جدا معايا ومبقتش عارفه اتصرف ازاي معاه!!

اسفه اني طولت عليكم، اتمني حد يقولي اعمل ايه علشان يرجع يسمع كلامي أو حتي يكون هادي شويه، لاني تعبت جدا والله ومش عارفه اعمل ايه.

مستشار

  • Sr. Member
  • ****
  • مشاركة: 337
    • مشاهدة الملف الشخصي
سجلي ليه في رياضة.. لعبة كورة او كاراتيه حاجه يطلع فيها طاقته ويكوّن صداقات. وكل اسبوع خصصي يوم يروح فيه ملاهي يلعب مثلا.