زوجي دائم سباب الدين، يمكن في اليوم ولا الف مرة، لو اعترضت أتلقى منه سباب لاخر السنة. لي منه ٣ اطفال، أخاف من العيشة الأولاد يسبوا زيه، بنتي عملتها قبل كده، اللي معرفتش اعمله مع ابوها عملته معاها، واكلت علقة موت مني لما ابوها بيسب تقولي ما بابا اهو، افهمها انه كده ذنب عظيم..
انا مليش مكان اروحه ولا عندي جنيه احتكم عليه لانه اخد كل فلوسي ودهبي في ظروفه اللي زي الزفت، اللي مش بتتعدل ابدا، شغله يادوبك ايجار ونور وميه وخدمات.
استلفتله من طوب الارض وللاسف مش عارف يسد نهائي، شغله مش مكفي نهائي.
طبعا كل اللي ليه جنيه بيطالبني بيه وانا لا حول ولا قوة؛ افهم انه ربنا هيكدر عليك عيشتك بسبب السب واللعن ده، مش محوق فيه كلام.
الله يرحم ابوه بقى كان زيه كده، وهو وارث هذا السوء منه.
بنتي ٨ سنين علمتها تصلي جت قالتلي ياماما في خرابيش بتطلع وانا نايمة، قولتلها ده بسبب عدم الصلاة فالبنت خافت والتزمت حوالي ١٠ ايام في الصلاة لدرجة لو معايا في مشوار تسبني وتصلي على جنب.
راحت اتكلمت مع ابوها وقالتله يابابا عند خرابيش بتظهر فس جسمي وماما قالت كده، قالها لا لا مفيش الكلام ده، ماما بتضحك عليكي وتخوفك، كان سببه ان بنتي سابت الصلاة نهائي، واتكلم ولا جايب نتيجة، زهقت.. اعمل ايه انصحوني اروح فين واعمل ايه؟ فكرت اسيب العيال وامشي، فكرت اموت نفسي، زهقت من العيشه، حاسه ربنا بيعاقبنا بذنبه، إنا لله وإنا إليه راجعون.. انصحوني بالله عليكم.
