المحرر موضوع: زوجي اكتشف صداقتي مع أخوه عندما كنا بالثانوية العامة  (زيارة 51 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي
انا متزوجة، عندي بنت شهرين ونص. وانا عندي ١٦ سنه، كنت بكلم واحد قريبي، هو كلمني وانا كلمته، هو بيحبني لكن لما جيت ادخل تالته ثانوي سيبته علشان الدراسه، انا مش حسيت من ناحيته بحاجه، وكمان صغيره محدش يعرف انا بكلمه غير بنت عمي.

لما خلصت جامعه كلمني تاني، انا قولتله انت قريبي بس وزي اخويا بس، انا مفكرش غير دراستي دلوقتي، وغيرت رقمي، فضلت كدا لحد تالته جامعه، حصل موقف بيني وبين اخوه الكبير هو اكبر مني بتسع سنين، اتكلمنا فيس وواتس وفون، فجاه لقيت نفسي لازم نتكلم كل يوم، بكون مبسوطه جدا، وشخص عجبني، كبير وعاقل وناجح في شغله، كل حاجه حلوه فيه.

اتعلقت بيه جامد، لحد ما قالي انه بيحبني، انا بحبه برضه، عايز يتقدملي، قولتله اخلص امتحانات اقولهم في البيت، كنت خلصت رابعه جامعه في البيت الاول لا علشان السن بس اقنعتهم، بعدين كلمت اخوه قلتله يعرف مني احسن، قالي هو عارف اللي كان بينا، قولتله لا علشان كنت صغيره، ماضي انت اخ خايفه اقوله يسبني علشان حاجه عاديه، قالي هقوله انا، قولتله براحتك، على العموم هو جاي يتقدم الاسبوع ده، لو مش عايز اخوك يتجوز قوله، اعتقد كلكم نفسكم يتجوز من زمان جدا.

اقنعته ميجبش سيره، واتجوزنا، بعد الجواز حبيته اكتر، هو بيحبني جدا، مفيش مشاكل بينا خالص، اخدلي شقه بعيد عن اهله علشان محدش يدخل بينا، لحد قبل الولاده بشهر، عرف موضوع اخوه من بنت عمي، لما حصلت مشكله بينا حكلته لما جي يقولي مشكله كبيره بينا انا حامل وتعبانه، قولتله لعب عيال كلام صداقه بس، مقولتش علشان حاجه، عادي انا محبتش حد في حياتي غيرك انت حبيتك اكتر من نفسي، يقولي ازاي متقوليش حاجه زي دي، انا ليا اختيار اكمل ولا لا قولتله خوفت تسبني، انا بحبك وانت بتحبني، ليه اقول حاجه نسيب بعض فيها؟

من وقتها بقى شخص مش طايقني، انا سيبت البيت، قولت اقعد  عند اهلي لحد ما اولد، بعد الولاده رجعت علشان السبوع بالبنت وفضلت اتكلم معاه برضو لحد من عشر ايام، لقيته بيقول انا هطلق قولتله هطلقني وتخرب البيت علشان سبب زي ده!

اخوك بكره يتجوز ويكون مبسوط في حياته، ليه تخرب بيتك؟ انا مش هوافق أطلق، البنت عايزه تتربي وسطنا، قالي دا قراري الاخير، الشقه هسيبها ليكي وللبنت، مصاريف البيت كلها هتوصلك لكن انتي محرمه عليا، سمعت كدا كلمت اخوه قولتله انت تتكلم معاه عايز يطلقني علشان كذا كذا، اتكلم معاه.

قاله دي اختي، مكنش حاجه بينا تستاهل انك تعمل كدا، دي كانت صداقه، انا هخطب اصلا.

بعدين جوزي عمل مشكله، ازاي اكلم اخوه واقوله مد ايده عليا، انا مش عارفه اعمل ايه دلوقتي! في نفس الوقت محدش من اهلي ولا اهله يعرف المشاكل.

قولتله عايز طلاق موافقه اتفضل كلم اهلي اتفق على الطلاق، يقولي طالما قولتلي كدا مش هطلق، هسيبك كدا معلقه، قولتله عادي برضو هكون مبسوطه طالما مراتك، لسه مفيش كلام بينا خالص مش عارفه اعمل اي تاني!