السلام عليكم؛ انا عاوزه أسأل سؤال: هي الواحده بتتجوز ولا بتتباع لراجل علشان تبقى خدامه وتخدمه هو واهله؛ يقعدوا هما يضحكوا ويتفرجوا على التمثليات والكورة وانا طول النهار والليل خدمه في امه وابوه؛ طبعا مع خدمة جوزي وعيالي.
جايبهم عندي من اول رمضان لحد النهارده مع ان بينا وبينهم نص ساعه بالمترو ولهم ولاد تاني غير جوزي بس هو الكبير ولازم يقضو رمضان كله معانا.
اكلمه بالهدواه اقوله كفايه كده انا تبعت؛ يضربني ويبهدلني.
اعمل ايه؟ اسيبلهم البيت واروح لامي واشيلها الهم هي كمان ومصاريفي ومصاريف عيالي! لاني بابا مات من ٣ سنين وطبعا هتبقى مشكلة كبيرة وهيفضحوني ويقولو مقدرتش تستحمل قعدتنا عندها ولا اعمل ايه؟
انا تعبت ومفيش دم عندهم ولا عند جوزي!
خدامه بس ومعنديش دم ولا احساس ولا حقي اقول تعبانه ولا حتى انام كويس قوليلي اعمل ايه لو سمحتوا؟
