هل الأفضل عزل الاسطح والحوائط بالفوم أو أن هناك أفكار أخرى؟

[مستشار]

والدي هيبني لينا شقة؛ و مفيش جنبنا أي جيران. فالشمس هتفضل ضاربة فينا. فكنت عايزة أفكر في طريقة لعزل الحوائط من الحرارة. هل لو بنا حيطة وساب مسافة ٥ سم وبنا حيطة تاني قدامها هيبقى حل كويس؟

الرد
فيه افكار كثيرة للعزل:

• ١. الحوائط الخارجية من طوب مخصوص للعزل الحرارى.
• ٢. تبني حائط للخارج على نص طوبة وبعدين الواح فوم ٥ سم وبعدين مباني تاني سواء هلى نص طوبة او ممكن على ربع طوبة.
• ٣. نفس الفكرة السابقة لكن تحط صوف صخري العازل المستخدم للبوتاجازات.
• ٤. لو الشقة خلصانه خالص وفيه جنب معرض للشمس بتقسم مراين خشب في الجنب على قد الواح الفوم وتحط بينها الواح الفوم وتغطيه بابلكاش او جبسنبورد.

ملحوظة: فكرة ٢ و ٣ و٤ عن تجارب فعلية. والفوم بفيد في العزل الحرارى والصوتي كمان.

[جناح طاير]

حضرتك استعيني بمهندس معماري فاهم هو هيقولك افصل طريقة وماتريل عشان الأفضل من حيث الفاعلية والوزن وميأثرش على المساحة.

[إنسان حر]

لو المساحة واسعة ، ممكن الحائط الغربي للشقة اللي الشمس بتبقى ضاربة فيه مدة طويلة .. ممكن يبقى حائط مزدوج بينهم عشرين سنتيمتر مثلا ..

يعني نبني جوا الشقة في الجنب ده حائط تاني على بعد 10 سم حيبقى بينهم هوا طبعا ..

الهوا هو أفضل عازل للحرارة وببلاش ..

الفكرة دي اتعملت في كلية هندسة حلوان ، اللي بناها الألمان .. كنا ندخل الكلية في عز النار نحس انها مكيفة ..

كمان يا ريت يكون السقف يبقى عالي شوية ٣متر او ٣وربع مثلا .. ولازم يتم عزل السقف بشكل صحيح ..