أختنا (ا.أ)؛ تسأل وتستغيث وتطلُب النُصح؛ ازاي اتخلص من ادمان الموبايل؟ انا بجد حياتي بتضيع هدر، واتغيرت تمامًا، وكل ما امسح الفيس ارجعه تاني، وكل شوية امسك الموبايل واتصفح الفيس بلا وعي، واسيبه وارجعله. اصحى بالليل امسكه، اصحى الصبح امسكه،ليه مش عارفة!
أبحث عن اللاشىء والاقي الوقت فات، بقالي سنين على كدة. حاولت كتير جدا وأرجع تاني، بجد
أولادي صعبانيبن عليا، وجالي ديسكات في فقرات رقبتي وضهري وعرق النسا، ووزني زاد كمان من قعدة البيت جدا، ومن مسك الموبايل اللعنة ده.
نفسي ارجع زي زمان، اعمل ايه! بفكر اجيب موبايل نوكيا صغير فيه واتس عشان اتابع مدرسين المدرسة وميكونش عليه فيس، انا خايفة جدا ومقصرة مع ربنا، ومبقتش بستغفر واقرأ قرآن زي زمان، ومش قادرة نهائي. انا غير راضية عن نفسي نهائي. ادعولي، ولو حد عنده فكرة كويسة ياريت.
الردأهم عامل من عوامل نجاح الحياة بفضل الله وبعد رضاة واداء حقوقه. هو عنصر تنظيم الوقت. أعملى كل حاجة ف وقت محدد. خلصى شقتك واكل أولادك وطلبات البيت دى لوحدة عاوز وقت طويل وحددى لنفسك كل يوم ساعة بلتايمر ليس أكثر تقعدى عل الفيس أو الواتس وتتابع الاخبار. إنت مش ف حاجة جروبات مدارس ولا حاجة حاليا. ساعة واحدة تكفي. ادخلى جروبات حفظ القراءن اون لاين. انشغلى بتدريبات لأولادك. أنزلى أتمشى.
آستعيذى بالله ديما من الكسل آنتى ممكن كسلانه تتحركى فبتشغلى نفسك بالموبيل لإنه مش محتاج مجهود. والنفس إن لم تشغلها بالطاعة والخير شغلتك بلمعصيه وضياع الوقت. واعرفى كويس اننا هنسأل عن عمرنا فيما افنيناة وعن واجبنا تجاة أبناءنا لأن كلكم راع وكلكم مسؤل عن رعيته. اجعلى النقاط دى امام عينك هتحلى ال مشكله دى بمنتهى السهولة. أكتبى كل يوم ف ورقة أهدافك أو واجبات اليوم وابدى خطوة خطوة.. هتلآقى أصلا م عندكيش ربع ساعة للموبايل. وحاولى تحللى غدة درقية لأن أحيانا بتسبب كسل وخمول شديد. وربنا يرزقك الخير وييسر لك الحال
اخرجي خدي أولادك وانزلي روحي أي مكان؛ نادي، حديقة، مول.. المهم تخرجي.
وخلي عندك أولويات، ووقت فراغك ادخلي واتس وفيس عادي، بس اهتمي بالأولاد اهم حاجه، اشتركي في جيم أو سباحة، خدي كورس.. اعملي اي تغيير.
