المحرر موضوع: نصائح عند شراء شقة تمليك في مصر  (زيارة 16 مرات)

جناح طاير

  • Full Member
  • ***
  • مشاركة: 234
    • مشاهدة الملف الشخصي

نصائح عند شراء شقة تمليك في مصر

« في: تـمـوز 02, 2021, 02:38:28 مسائاً »
(أ.ع) يسأل؛ لو واحد عايز يشتري شقة تمليك في مصر. ياخد باله من ايه و هو بيشتريها. انا اول مرة هشتري شقة فى مصر لانى كنت مغترب فترة طويلة. يعنى بالنسبة للورق. بالنسبة لمساحتها تبقى فى حدود كام؟ بالنسبه لتقسيمتها، بالنسبه للتشطيب متشطبه جاهز ولا نص تشطيب؟ موقعها على شارع رئيسي ولا شوارع داخليه؟ تبقى الدور الكام، اقرب للارضي ولا اقرب للسطح؟ عماره جديده خالص ولا قديمه شويه؟ و احسن طريقه الاقيها عن طريق مكاتب ولا اعلانات مواقع على النت ولا سماسرة؟ والسعر اعرف ازاى لقطه ولا مناسب ولا مبالغ فيه؟معلش لو حد مر بالتجربه دى يفيدنى.

الرد
هات تبع شركة محترمة، استعين بمحامي علشان تضمن حقكك، نصف تشطيب وتشطبها على زوقك، معاك فلوس عجبتك حاجه جاهزة هاتها واخلص من الصنايعية، دفعت فلوس استلم شقتك وغير الكالون في نفس اللحظة.. دي معلومات استفدتها من النت.

وبالنسبة للورق شوف محامي عشان تسلسل الملكية و لو عليها مشاكل ورثة او تمكين.

المساحة حسب احتياجك.

متشطبة جاهز هتريح نفسك لو نص تشطيب هتضمن السباكة والكهربا.

الموقع؛ خليك دايما على الشوارع الهادية بلاش الزحمة و اختار الشقة امامي مش خلفي و يفضل فيو مفتوح و تبقي في دور ٣ او ٤ بلاش أرضي و اخير.

لو هتشتري من شركة اسأل عليها كتير ويفضل تبقي الشقة موجودة علي ارض الواقع مش تحت الإنشاء.

لو مكتب او اعلان مفيش مشكلة بس اهم حاجة تحدد معاه النسبة و يكون معاك المحامي عشان العقد والبنود.

ويفضل يكون محامي من نفس مكان الشقة عشان يخلص اسرع سواء يسأل عليها في الحي لو في مشاكل عليها او عشان صحة التوقيع.