ممكن من فضلك شوية نصائح؛ انا جوزي مسافر بقاله فوق السنتين، ونازل اجازه بامر الله شهر، وحماتي من ساعة ماعرفت وهي بدات تشتغل عليا مضايقات وتلقيح، وبتكلمه عن بنات، بتضايقني عشان عارفه انه عينه زايغه، بتتعمد تكلمه عليهم قدامي عشان تغيظني، وده بيحسسني اني ماليش قيمه ومش عملالي اعتبار وبتتعمد دايما تبوظ الاجازات عليا.
كل يوم الصبح اما تسمع اننا صحينا، تروح طالعه تقعد وتعرف اخبارنا وتنزل، وبتاخده وتقعد تقوله كل يوم تعالى اما نزور فلان وعلان حتى لو في بلاد تانيه، مش في بلدنا عشان تاخده مني وتضيع الاجازه.
وهي عارفه انه صحته علي اده اصلا، وعامل عمليه في ظهره ومحتاج راحه، بس مش في دماغها، كل اللي فدماغها ازاي تكيدني وتاخذه مني وتحرق دمي وخلاص.
وانا مش تقيله اصلا وبيبان عليا ومبعرفش اتصرف وخايبه في الرد، ميعرفش ارد في ساعتها، ومعنديش ثقة في نفسي، كفايه.. انا بجد مش عارفه اعمل ايه ولا عندي ام ولا اخت ينصحوني.
