انا يا جماعة متضايقه اوي، أخت زوجي ماليش علاقه بيها اوي، يعني على قد السلام وبس، هي علاقتها قويه اوي بمامتها، يعني لو زعلت مع امها تخاصمني وممكن كمان ماتردش عليا السلام.
النهارده فضلت تنادي على زوجي كتير بصراحة مسمعناش لأن كنا قافلين باب الأوضه علينا، انا كنت مريحه ضهري شويه على السرير وزوجي كان جمبي ماسك الموبايل بيلعب بيه، راحت طالعه وباب الشقه كان موارب دخلت وفتحت باب الأوضه علينا بسرعه من غير ما تخبط.
بصراحة اتضايقت اوي، بتقولي معلش مكنتش اعرف انك هنا، وبقول لزوجي ينفع كدا اختك تفتح الباب علينا، مش عيب؟ قالي عادي ماحنا كنا نايمين عادي وايه المشكله!
مش عارفه هو الموضوع فعلا مش يستاهل زى ما جوزي بيقول ولا ايه لأن حقيقي مضايقه من تصرفها دا.
