انا متجوزه، عندي بنت سنه ونص، جوزي عصبي جدا وكمان هو عِندي جدا حتى مع اهله ومع والده، ولا بيحترم حد اصلا. بعد الجواز مشاكل كتير وبيمد ايده. الاول كنت باخد موقف في شقتي، لما لقيت مش قادره دا مش اسلوب يمد ايده، وصلت الموضوع لوالده يشوف حل.
المهم نفس اليوم عمل مشكله ازاي اشكي لحمايا وبهدل الدنيا، صوته عالي جدا وضربني بالقلم، اهله طلعوا على الصوت، والده بيزعق فيه، يقوله محدش يتدخل بينا ويسيبه وينزل.
لقيت كدا قولت لازم حد من اهلي يتدخل، انا مقدرش اكمل بالطريقه دي، انا بابا متوفي وماما، بس عمي في مقام والدي اتدخل في الموضوع، جه الشقه عندي يصالحني وعايز يرجعني قولتله لا، ارجع، لما تقعد مع عمي عمي شقته في نفس العماره، قولتله اتفضل اطلع عنده قالي بصي انا مطلعش لحد ولا هقعد مع حد انتي هترجعي طالما جيت، لو مرجعتش دلوقتي معايا هترجعي بكره لوحدك لاني مش هاجي تاني، قولتله انا مش هرجع غير لما تقعد مع عمي، قالي كدا طيب بصي لما تحبي ترجعي شقتك ارجعي، لكن اسبوع؛ لو مرجعتش شقتك هخطب.
انا عندي بدل الشقه تلاته، سهل اوي اتجوز؛ ماشي.. ومشي، اعمل ايه؟
