انا كنت مرتبطه بواحد تعرفت عليه من طريق ابلكيشن، ارتبطنا ثلاث شهور، هو جاء اتقدم لي و كنا مرتبطين وبابا وماما عارفين وانا كنت بحبه، هو كمان كان بيمثل انه بيحبني، وكانت ظروفه صعبه قوي ما كانش هيقدر ييجي يخطب.
دلوقتي هو كذب عليا في حاجات كثير قوي ولا كان بيحبني ولا بتاع، المهم احنا كنا كاتبين ورقتين والورقتن معايا بس هو مصور منهم ورقة على الموبايل وبيهددني بيها، بس ما حصلش ما بيننا اي حاجه غير حاجات خفيفه، وندمت وعارفه اللي انا غلطانه.
انا دلوقتي اتخطبت، انا عايزه اقول لخطيبي على اللي حصل بس خايفه يسيبني، والورقه ايه نظامها؟ هل كده انا متجوزه بالورقه العرفي دي؟
انا اعصابي تعبانه، وانا مش عارفه انام ولا عارفه اعمل اي حاجه بسبب الموضوع ده، بالله عليكم بلاش تجريح انا عارفه ان انا غلطانه بالله عليك انصحونى اعمل ايه!
