المحرر موضوع: ليه بنفصل الثلاجة لما الكهرباء تقطع؟ شيل الفيشة بسرعة!  (زيارة 15 مرات)

إنسان حر

  • Hero Member
  • *****
  • مشاركة: 524
    • مشاهدة الملف الشخصي
ليه دائما يقولولنا لما الكهرباء تقطع افصلوا الثلاجة والديب فريزر بسرعة؟

كنا دائما فاكرين أن السبب خوف أن الفولت يرجع عالي ويحرق الموتور، وده صحيح فعلا، لكن فيه سبب تأني!

بس الأول عاير أنوه لشيء، وهو أن موتور الثلاجة مصمم بطريقة جميلة جدا وفيه اوفرلود حماية. الأوفر لود ده وظيفته قطع التيار الكهربائي عن الموتور في حالة زيادة الأمبير، يعني لو الكهرباء رجعت عاليه فعلا الموتور بيرفع أمبير عالي يؤدي لسخونة الافرلود ويجعله يفصل الكهرباء عن الموتور قبل ما يتحرق، لكن يرجع تاني يوصل الكهرباء مرة أخرى للموتور لما يبرد وفي الوقت القصير اللي بيوصل فيه الكهرباء للموتور والفولت عالي بيجعل الملفات تسخن جدا ويفصل ويبرد قبل ما الملفات تبرد ويرجع يوصل تأني والملفات حرارتها تزيد أكتر، وهكذا كل مرة حراراة الملفات تزيد الي ان تحترق الملفات.

السبب الفني التاني اللي اغلبنا ميعرفوش ويعرفو فقط الفنيين ان لازم يكون فيه فترة حوالي عشر دقايق بين فصل الكهربا وتوصيلها مرة اخرى للموتور علشان يقدر يقوم.

فيه حاجه اسمها تعادل الضغوط داخل وحدة التبريد، وتعادل الضغوط ده بياخد وقت من خمسة لـ ١٠ دقايق حسب الوحدة.

يعني لو فصلت التلاجه ووصلتها في نفس الوقت هتلاقي الموتور يزن وميشتغلش وتسمع صوت تكة الافرلود اللي بيفصل الكهربا عن الموتور علشان ميتحرقش.

عايز اقول ايه من كل الكلام ده؟
عايز اقولك ان لازم تعدي وقت كافي بين الفصل والتشغيل علشان كده بنفصل الفيشه لما الكهربا تقطع، لاننا منضمنش ممكن ترجع بعد دقيقة قبل تعادل الضغوط، وممكن برضوا الكهرباء ترجع بفولت عالي.

وبرضو لو حصل وانك فصلت فيشة التلاجة او الفريزر لاي سبب لازم تنتظر عشر دقايق وتوصلها تاني.

ويستحسن طبعا بريزة الثلاجه والديب فريزر تكون مخصصة ليهم فقط، مش لاي جهاز اخر تبدل معاهم البريزه تفصل دي وتوصل دي، كمان ممنوع توصيل التلاجة أو الديب فريزر علي مشترك ولو الظروف حكمت يبقي لازم مشترك جيد وعيونه محكومه جدا.
« آخر تحرير: تـمـوز 11, 2021, 10:47:37 صباحاً بواسطة إنسان حر »