سيدة متزوجة بقالها 11 سنة وعندها بنتين وبعد 11 سنة مشيت وسابت البيت ورفعت قضية خلع عشان جوزها كان بيخونها، ومش راضى يطلقها.الاسباب اللي خلتها تمشي وترفع خلع كتير:
اولا: من اول الجواز وهي اللي بتشتغل وبتصرف على جوزها واهله وهو نايم فى البيت ومش بيشتغل وكمان بدأ يعرف عليها حريم كتير ويخونها خيانة كاملة، مش بيخونها مع بنات صغيره وبس لا مع حريم صحابه كمان، وكانت ساكته وبتدعيله ربنا يصلح حاله واما خلفو بدأت تستحمل اكترعشان بناتها بس هي تعبت وطلبت الطلاق فمرضيش وضربها وحبسها في البيت وحرمها من انها تكلم اهلها وتعرفهم الاهانه والضرب اللي بيحصل معاها لحد ما شافته قدام عنيها مع مرات صحبه.
قالها لو فتحتى بوقك بكلمه هقتلك، وحبسها في البيت لحد ما لقيته نزل رايح يقابل وحده من الحريم اللي بيمارس معاها الحياة الزوجية من حريم اصحابه اخدت بنتها ونزلت من غير ما تاخد حتى هدوم ليها ولعيالها وماصدقت مشيت وهربت من الذل ده وراحت بيت اهلها ورفعت خلع هي كد الى عملته صح ولا كان لازم تستحمل أكتر من كده عشان اولادها؟
مشكلة حائرة
