المحرر موضوع: عميل فودافون يعاني من خصم الرصيد على خدمات لم يشترك بها!  (زيارة 12 مرات)

إنسان حر

  • Sr. Member
  • ****
  • مشاركة: 481
    • مشاهدة الملف الشخصي
يقول (م.ا)؛ يعني إيه اشحن ب 100 جنيه علشان اجدد باقة الفليكس ألاقي الرصيد كله اتسحب والباقة متجددتش.. اكلم خدمة العملاء ألاقيه بيقولي إنت مشترك في خدمة ألعاب ودخلت عليها بيناتك الشخصية وفعلت الخدمة والخصم بيتم بأثر رجعي! ومشترك في خدمة ثانية الله اعلم هي ايه (هرفق صورة للرسالة بتاعتها)، ولقيت جتلي رسالة من غير مطلب وانا بكلم بتاع خدمة العملاء بيقولي إننا لغينا الاشتراك..

أولاً: انا راجل تيكنيكال ففاهم كويس انا بعمل ايه!

ثانياً: أقسم بالله معنديش ولا لعبة عالموبايل ولا عمري اشترك في الخدمات ده.

ثالثاً: الموقع نفسه إللي الراجل بيقولي عليه موقع مشبوه ومش سيكيور http فطبيعي عمري مهدخل عليه!

الخدمة إللي الراجل بيقول إني مشترك فيها شكلها تبع فودافون وانا مشتركتش فيها والمريب إن الرسالة إللي جايالي منها تبدوا وكأنها تدبيسة.. انت اشتركت في كذا عاوز تلغي ولا تكمل.. وطبعا الرسائل ده انا مبشفهاش وبتعملها بلوك تلقائي بالتروكولر من كمية السبام ريبورت عليها..

طيب نفترض أنا كذااب.. تمام

يعني ايه اشترك في خدمة وميكنش عندي رصيد؟ والخدمة تسحب الرصيد بأثر رجعي! ده خدمات فودافون نفسها مينفعش اشترك فيها غير لم يكون عندي رصيد يغطيها، وانا بتعمد مسبش جنيه رصيد بعد التجديد علشان الحركات السيئة بتاعة فودافون ده

طيب بلاش.. انا راجل مغفل ودخلت عالموقع المشبوه ده ودخلت رقم تليفوني.. مش المفترض يجيلي رسالة برقم تأكيدي علشان افعل الخدمة او ما يسمى ب otp وإللي من غيره ممكن اي حد يدخل يشترك لأي رقم في أي حاجة هو عاوزها! بقول للبيه بتاع خدمة العملاء يطلع لي اي رسالة جاتلي من الموقع المشبوه ده فيها otp طلع مش فاهم يعني ايه otp!

ويعني ايه موقع مشبوه مش سيكيورد يكون متاح التعامل معاه من خلال شركة المفترض إنها محترمة!

والخدمة إللي فودافون قررت تشتركلي فيها وإللي بتاع خدمة العملاء نفسه بيقولي معرفش هي ايه.. دي نسميها إيه؟!

وفي نهاية المكالمة البيه يقولي مفيش حاجة اقدر اساعدك بيها..

شكراً يا فودافون!

استحملنا شبكاتكم السئة وقلنا معلش.. كمان خصم رصيد على خدمات لم نشترك بها.

انا هروح اغير لشركة ثانية بنفس الرقم.

مرفق صورة للموقع المشبوه إللي بيدعوا إني اشتركت فيه، والرسائل إللي جات لي.

إضافة سريعة.. السوبرفايزر بتاع فودافون كلمني بيقولي انا ممكن ارجعلك ٢٠ جنيه بس.. قفلت السماعة
  • Vodafone Egypt
  • الجهاز القومي لتنظيم الاتصالات - مصر
  • الصفحة الرسمية لجهاز حماية المستهلك بمصر