المحرر موضوع: مشاكل كثيرة مع سلفتي (زوجة أخو زوجي) تسبب النكد والهم والخلافات  (زيارة 6 مرات)

محتار

  • Sr. Member
  • ****
  • مشاركة: 307
    • مشاهدة الملف الشخصي
انا تزوجت وخلفت بنت، وجوزي توفي بعد زواجنا بسنتين، وفضلت خمس سنين رافضه الجواز لحد ما اتقدملي راجل محترم، مطلق وليس معه اولاد. وافقت لان فعلا مواجهة المجتمع كأرملة كانت صعبة جدا؛ ومن طمع الرجاله فيا وخوف صحباتي من خطف أزوجهن.. وهكذا.

وفعلا اتجوزت من خمس شهور ولقيت جوزي واهله كويسين جدا وبنتي كمان عايشه معانا. وجوزي بيعتبرها بنته. وحماتي وحمايا حطاهم جوا عينيا من أكل وشرب ولبس وكل حاجه. وكل مصاريفهم علينا وادويتهم وتقريبا مرتبي كله رايح عليهم. مع العلم أن له اخ اكبر منه بس مش عاوز أبوه وامه ولا بيعملهم حاجه. وحياتنا فعلا زي الفل.

ولكن، اخو جوزي متجوز واحده اقرب مايقال عنها شيطانه بجد، انا جيت البيت لقيتهم كلهم مخاصمينها وجوزي قالي ملكيش دعوه بيها خالص، ومع الوقت عرفت انها سبب طلاقه وأنها بتقول مش عاوزاه يخلف أولاد علشان هي واولادها يورثوا كل حاجه.

المهم انا كل شويه أقوله انت ملكش الا اخوك واوعي تخسره، وصلة الرحم وكل الكلام دا.

وزوجة أخوه من الناحية التانية توقع بينهم، جوزي طبعا بيتأثر ويفضل زعلان ويمنع الاكل ويمنع الكلام والبيت مليان هم ونكد من كتر مشاكله مع اخوه، اعمل ايه يا جماعه دلوني! انا تعبت من كتر الهم والنكد بسببها، وانا بجد أُحِب جوزي وزعلانه علشانه.

إنسان حر

  • Sr. Member
  • ****
  • مشاركة: 480
    • مشاهدة الملف الشخصي
خليكى في حالك وملكيش دعوة! انتهى النقاش.