المحرر موضوع: زوجتي كثيرة الشكوى بالمرض ولا تلبي رغباتي كزوج  (زيارة 761 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

زوجتي كثيرة الشكوى بالمرض ولا تلبي رغباتي كزوج

« في: نيسـان 19, 2021, 05:09:56 مسائاً »
المشكلة دى تخصنى أنا مش بحكي عن حد

أنا راجل عمري ٤١ عام متزوج تقريباً من ١٢ سنة بحب زوجتى جداً وهي بتحبنى جداً

ويعلم ربنا أنا براعي ربنا فيها جدا جدا جدا

ودايما اساعدها وأشد من ازرها في كل مشاكلها وعمري ما خرجت عن حدود اللياقة معاها وبحترمها جدا جدا

وبحترم أهلها جدا جدا مشكلتى معاها

شكواها المستمرة بكل انواع التعب وتقريباً مش بيمر علينا اسبوعين من غير ما اوديها عند دكتور مختلف

ومشكلتى كمان تقصيرها معايا في (...) حتى في أوقات ما بتكون سليمة

عمري ما توقعت إني أتكلم عنها خالص لكن مجرد فضفضه

موضوع أنى أشوفها لابسه حاجة جذابة كده ممكن يكون من الاشياء النادرة في حياتنا

كتير بنبهها وكتير بقولها لكن في الغالب تفتكر يومين تلاته أسبوع وبعدين ترجع زى الأول واكتر

للأسف هي لا تلبي كل رغباتى كزوج

ودايما أقولها أنا محتاجك (تعفينى)

حالياً أنا مش عارف أعمل إيه بصراحة بفكر جديا إني أتزوج حتي لا اقع في شيئ يخالف شرع ربنا

وطبعاً أكيد هتحصل مشاكل كبيرة بسبب كده

محتار وتعبان جداً جدآ وبدعي ربنا ليل نهار الاقي حل للمشكلة دى


بعتذر على الإطالة وارجو بلاش استخفاف بكلامي

مستشار

  • Sr. Member
  • ****
  • مشاركة: 362
    • مشاهدة الملف الشخصي

رد: زوجتي كثيرة الشكوى بالمرض ولا تلبي رغباتي كزوج

« رد #1 في: نيسـان 19, 2021, 05:10:58 مسائاً »
أخي الفاضل؛
اقعد مع مراتك و فهمها بالراحة كدة كل اللي جواك و اديها وقتها برضو.

تجاوبت معاك خير و بركة و لو مفيش تجاوب من حقك تتجوز و يارب تكون عادل بينهم.

لوقادر ماديا وتقدر تعدل بينهم تزوج لان غالبا دا طبع فيها وفيه ستات كتير كده مهما تعمل هى طبعها كده مش هتتغير اما لو قادر تتقبل الامر كده وتكمل حياتك انتا ادرى بيها

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: زوجتي كثيرة الشكوى بالمرض ولا تلبي رغباتي كزوج

« رد #2 في: نيسـان 19, 2021, 05:11:34 مسائاً »
طيب حضرتك بتقول انها دايما تعبانة ومقصرة في حقوقك الزوجية
والنتيجة انك فكر تتجوز عليها
طيب حضرتك
فكرت تجيب لها شغالة تساعدها في شغل البيت عشان تريح صحتها؟
فكرت تجيب حد يذاكر مع اولادك عشان تشيل عنها شويا؟
فكرت تعاملها باسلوب حلو وكلمات حلوة وجو حلو لما تدخل البيت؟
فكرت تجيب لها هدية وتفرحها؟
فكرت تخرجها شويا وتاكلو برا مرة في الاسبوع مثلا عشان ترتاح وتغير جو؟
لو هي تعبانة اكيد في أسباب، ولو هي مقصرة في حقك بردو اكيد في اسبابك
انت عايزها تسعدك وتلبي دعوتك اول ما بتكون محتاج. طيب وهي؟ ماهو لازم حضرتك الي تهيء لها الجو والمحيط والاسباب الي تخليها تكون عايزة الحاجة ديه معاك، وبالتالي مش حضرتك الي هتنبسط لوحدك بس انتو الاثنين هتنبسطو
ياريت تبقى تحط نفسك مكانها وتفكر فيها قبل ما تفكر في واحدة ثانية

إنسان حر

  • Hero Member
  • *****
  • مشاركة: 547
    • مشاهدة الملف الشخصي

رد: زوجتي كثيرة الشكوى بالمرض ولا تلبي رغباتي كزوج

« رد #3 في: نيسـان 19, 2021, 05:14:38 مسائاً »
حضرتك محترم والله معلش اتكلم معها تانى وألفت نظرها تانى وتتكلم مع حد قريب منها من أهلها يلفت نظرها اعمل اللى عليك عشان محدش يلومك لان مش كل مواضيع بتتحكى ونشرها ونقول لكذا مش هاتقدر تفهم احتياجاتك كزوج يبقى تتجوز بشرع ربنا وتهدأ بينهم وبكل هدوء تقولها وهى صاحبة القرار ومش تهديد بالعكس من حبك واحترامك لها والعشرة اللى بينكم لكن حضرتك راجل بتخاف ربنا وعايز تعف نفسك ربنا يوفقك للخير