انا اخويا كان متدين ومتشدد جدا لدرجه ما كنتش اقدر اتفرج على فيلم او مسلسل قدامه وكان على طول بيقراء قرآن ولما كان يزعل امي ميكملش عشر دقايق ويصالحها ويبوس على ايديها ورجليها.
دلوقتي هو خاطب ومن اول ما خطب خف دقنه جدا وبيفضل يتكلم بالساعات في الفون ولحد الصبح وكل شويه عندهم واحنا خايفين عليه كده مش هيعمل حاجه.
ماما بتقوله بلاش كل شويه تروح بدل الحجات اللي انت عمال تجيبها دي مش هتنفعك شوف الشقه وجهز نفسك؛ بقى يكدب ويقول رايح عند صحبه ويروحلها واهلها عادي جدا.
وتفضل تنزل على الوتس اغاني وفيديوهات مش كويسه وجوزي شاف فيديو قبل كده وقالي دي لو ما كنتش خطيبت اخوكي كنت قولت دي واحده شمال وسمعته في مره بيقولها غنيلي وبقى على طول يتعصب على امي ومش محترم معاها خالص ويفضل بالايام ميكلمهاش عادي وكل الناس بقت تتريق عليه.
وجيت في مره بقوله ازاي قابل على نفسك الفيديوهات اللي بتنزلها وغلطت وقولت جوزي قال دي لو واحده تانيه كنت قولت شمال اتصل بيه وعملي معاه مشكله وجوزي زعلان مني ودلوقتي عملت لاخويا بلوك ومش طيقاه وماما ضغطها بيعلى بسببه.
الحل ايه؟ واسفه على الاطالة.
