انا سيدة شقيت انا وزوجي لتعليم اولادي احسن تعليم عشان يكونوا من افضل الناس في مجتمعنا، والحمد لله كلهم خلصوا كليه الطب واصبحوا اطباء والحمد لله. بس بسبب ظروف الحياه لحد دلوقتي ابني الكبير دكتور وعمره ٣٠ ولم يتزوج، وقمت بالخطوبة له من طبيبة ولكن مع الاسف كان فيه ممرضة شعلته، وبالفعل أحبها وفسخ خطوبته من الدكتورة بحجة انها مش فاهماه.
وكلم البنت وقالها لا نصلح لبعض، وبعد ما فسخ معاها قالنا، وساب الدهب وكل حاجه، كل ده مش مهم المهم انه حاليا واقف ضدي انا ووالده للتزوج من الممرضة، ومش عارفه اثبت على رأي انا وباباه.
وفي الحاله دي هخسر ابني اللي ضحيت انا وباباه وعملنا المستحيل عشان يكون كويس.
المشكلة كمان ان البنت دي من اسرة مفككة، الاب مطلق امها، وقصه امها انها هي كمان اتجوزت جوزها بدون موافقة اهله، وكانت النتيجه في الانفصال. بس بعد ما جابوا اولاد.
ممكن تشوروا عليا اعمل ايه، وخصوصا البنت مسيطرة سيطرة كاملة على ابني ومستعد يسيبنا عشانها.
