المحرر موضوع: هل يجب على امي خدمة جدتي  (زيارة 51 مرات)

محتار

  • Full Member
  • ***
  • مشاركة: 244
    • مشاهدة الملف الشخصي

هل يجب على امي خدمة جدتي

« في: أيار 01, 2021, 03:37:20 مسائاً »
جدتي ست عجوزه عندها ٧٨ سنه قاعده لوحدها في شقه كبيره في منطقه شعبيه بعيده عن بيتنا ومشوارها يهد جبال وجوزها ميت من ٦ سنين وشبه جالها اكتئاب لانهم كانوا بيحبوا بعض جدا.

من ساعه ما جدي مات وبسبب الاكتئاب اللي جالها وبسبب انها بتخاف لوحدها وبسبب ان الشقه بتاعتها واسعه وبتخوف اتفقوا خالاتي الاربعه ان كل واحده تروحلها يومين في الاسبوع مع العلم اليومين دول بيبقوا من اول الصبح لتاني يوم الصبح يعني بيات والجدول يلف وبقالهم ٦ سنين علي الحال دا.

جدتي قاعده في العماره بتاعتها (ملكها) ومسكنه واحده من خالاتي تحتها من قريب بسبب ظروف حصلتلها والمفروض بما ان بنتها سكنت تحتها يبقي تتولى رعايتها هي؛ وامي وخالاتي ميروحوش بقي ويستريحوا... لكن دا محصلش وبرضو بيروحوا وانا واحده في ثانويه عامه وعايزه امي تراعيني؛ ده غير ان حالة امي الصحية متسمحش انها تروحلها المشوار دا كله مرتين في الاسبوع دا غير كده تخدمها وتنزلها بالتلات مرات تجبلها طلباتها، مع العلم صحه تيته شديدة.

وانا بقيت باتخنق وبتدايق كل ما امي تقولي انا رايحه عند ستك بكرا، بجد الجمل دي بقيت وسواس بالنسبالي بقيت بتخنق لاقصي درجه ومفيش داعي ان هما يروحوا ابدا.

انا شكيت لبنت خالتي الحوار دا وغلطتني جدا قالتي ان هي ست عجوزه والمفروض حد يخدمها وان انا انانيه ووو الخ .. بس هي مش محتاجة الخدمة دي احنا اللي محتاجينها دا غير ان امي عشان صحتها على قدها بتيجي من عندها تعبانه من المشوار.

انا اللي اولى بصحة امي وخدمتها؛ انا حاسة اني وحشة قوي قوي بس مع ذلك انا ليا الحق اني اتضايق برضو حتى لو بنسبه صغيرة.

اقتباس
مشكلة حائرة

مستشار

  • Sr. Member
  • ****
  • مشاركة: 298
    • مشاهدة الملف الشخصي

رد: هل يجب على امي خدمة جدتي

« رد #1 في: أيار 01, 2021, 03:39:09 مسائاً »
انتي مش صغيرة ؛ اعتمدي على نفسك؛ متضايقة أن مامتك بتبر والدتها ؟

قال تعالى "وَقُلْ رَبِّي ارْحَمْهُمَا كَمَا رَبَّيَانِي صَغِيرًا"

جناح طاير

  • Full Member
  • ***
  • مشاركة: 197
    • مشاهدة الملف الشخصي

رد: هل يجب على امي خدمة جدتي

« رد #2 في: أيار 01, 2021, 03:40:57 مسائاً »
ربنا يدي لوالدتك الصحة والعافية وكفاية أنها تبقى راضية عنها وتدعي لها وتدعي لكم لو انتي فاضية روحي معاها شوية خليها تدعي لك وتفرح بوجودك لو لا قدر الله اتوفت والدتك هتقول ياريت يوم من أيامها وتقعد تحت رجلها ربنا يهديكي.