انا شاب ٣٢ سنة، من حوالي ١٢ سنة كنت بشتغل انا ومجموعة من الشباب من نفس منطقتي، وعشان كنا في محافظة تانية بعيدة اخدنا سكن وقعدنا مع بعض، وحصلت حادثة سرقة واتهمت فيها ظلم، ويعلم الله اني برئ، بس للاسف بسبب ضعف شخصيتي معرفتش ادافع عن نفسي كويس.
طبعا الموضوع من فترة كبيرة، وكل واحد انشغل في حياته، بس انا الموضوع مؤثر فيا جدا لدرجة أني اصبت بالقولون العصبي بسبب التفكير المستمر، وبتخنق وبضايق اكتر لما بشوف حد منهم في المنطقة.
هل ارجع اتكلم بعد الفترة دي كلها، ولا افوض امري لله ؟
واستشرت صديق لي، قال كبر دماغك، زمانهم نسيوا، ولو رجعت واتكلمت ممكن الامر يزداد سوء، ايه رأي حضراتكم بدون تجريح؟
