عندي مشكلة تاعباني جدا في حياتي، انا شاب اعزب، عندي محل عصافير، وشغال مساعد في شركة بترول. مشكلتي العلاقات مع الحريم، بقيت مدمن عليها، يعتبر كل يوم او اتنين علاقة.
طبعا ببقى مبسوط جدا لاني بحس اني مرغوب فيا وكده من الحريم، بس الموضوع ده بقا تاعبني نفسيًا، ولما بحاول ابعد بلاقي اللي اعرفم هما الي بيتصلوا، ولو قفلت الفون ينزلوا المحل .
وطبعا بقى فيه ثقه فيا ومش حابين يبعدوا، طبعا بقى فيه تقصير في الشغل مني بسبب السهر، وبقيت مش حابب اتجوز ولا احب، حياتي عبارة عن علاقات اكتر من شغلي نفسه.
أحاول اتغير، وبعد شويه مش عارف، لدرجة ان واحده منهم بقت تجيلي البيت علشان لا أرد عليها، وطبعا في منهم متجوزين.
انا بجد بقيت بضعف ومش قادر اتغير وخايف اتجوز اظلمها واخونها وبيتي يخرب.
حد عنده حل بدون غلط فيا بعد اذنكم، انا حاليًا قافل المحل وشقتي وعند حد معرفه، وطبعا داخلين على العيد وهرجع المحل لان مش معقول هقعد عند صاحبي في العيد.
ياريت بلاش تجريح، عندك نصيحه او دعوه اكون شاكر ، ولو حد عنده مكان مفروش بسعر معقول يبلغني لحد بس ما انقل من المحل والشقة.
