متجوزه من ٥ سنين جوزي، من ساعة ما اتجوزنا وهو يعتبر مش بيعرفنى الدنيا ماشيه معاه ازاى، يعنى ولا بيعرفنى مرتبه كام ولا بيعرفنى بيصرف ايه ولا بيعمل ايه، لما بحاول اساله بس هيصرف ايه ولا مثلا سحب فلوس لايه يقلب عليا وبعمل مشكلة، وانتى مالك، تسالى ليه، ودى فلوسي، وكلام من هذا القبيل.
وحتى ساعات بيصرف على اخوه، على رغم ان امه وابوه مقتدرين ومش بيصرفوا غير على ابنهم، وساعات بينزلوه يشتغل على رغم مخلصش دراسه، مثلا لو لمَّحت بكده بيعمل مشاكل، وكل ما يتكلم بيحسسنى اني واحدة غريبه، مع ان ممكن يكون بيتكلم مع صاحبه ويعرفه مرتبه كام، لكن لو انا سالت مبيقولش الحقيقه وممكن يقول رقم اقل من اللى بطلبه، مع ان بشهادته اني موفره ومش بصرف، والله بتوصل ان بمنع نفسي من حجات ببقى محتاجاها فى سبيل اني محملش عليه على رغم ان ربنا ميسرها معاه.
بس معرفش ليه بيتعامل معايا كده.
آخرها بسأله على حاجه دفع فيها كام، مرضيش يقولى، وقالى صراحه كدة ملكيش دعوه انا دفعت كام.
انا بحس انه بيعتبرنى غريبة، وببقى مستغربه، طيب متجوزنى ليه؟ والمفروض ان زوج وزوجه بيبقوا شفافين قدام بعض!
