أنا مسيحية انفصلت بدون أوراق رسمية من ٢٠١٦ لأسباب مهمة جدا ومش مادية خالص، يعني تقدروا تقولوا طلقت نفسي.
وعندي طفلين، وانا بشتغل عشان أقدر أعيش بعيد عن أبوهم إللي مقدرتش أعيش معاه في بيت واحد، وعليا أقساط لأني بجيب نواقص كتير في البيت، حتي هدومهم بالقسط.
والشقة اينعم إيجار قديم بس برضه إيجار وبند بيتصرف فيه.
وبعد معاناه لاقناع الاب إنه يتحمل مصاريف أولاده، لأني مش قادرة عليها والمعيشة صعبة، خصصلهم ٢٠٠٠ جنيه ومش مكفياهم خالص. وهو مرتبه بيعدي ١٢ الف، وأنا بأمانة مش عايزة منه حاجة لنفسي، ولا عمري طول ١٤ سنة جواز طلبت منه حاجة، بالعكس اديته ذهبي وورثي عن بابا -الله يرحمه-.
وعايزة أعرف هل ده مبلغ كافي مصروف شهر وأنا مفترية ومسرفة ؟
قولولي بيكفيكم قد إيه في الشهر ؟
