السلام عليكم؛ انا متجوزه من سنتين وعندى ٣٠ سنه، وقاعده مع جوزى في الغربه. وللاسف انا محبتش الغربه ومش مرتاحه فيها، من حوالى ٥ شهور جالى اكتئاب ومازال عايشه فيه.
دايماً أوهم نفسى بأمراض خبيثة وان انا هيجيلى امراض وحشه، وعلى طول تفكير وقلق وتشتت وتعبت جداً من التفكير في الحاجات دى. انا كمان حاولت انزل مصر بس جوزى رافض، وللاسف انا متعوده على الخروج والعيله وتجمعات الاهل ففكرة الغربة وانى اقعد لوحدى في بلد بعيده تماماً عن اهلى دى مزوده الاكتئاب.
وعندى بيبى سنه، كل ما افكر في الانتحار ابص اقول مين هيربيه غيرى؟
انا تعبت جداً، وللاسف مش عارفه افوق من الاكتئاب دا وعماله اوهم نفسى بأمراض ليا وانا معرفش حد معايا فى البلد دى، وجوزى رافض التعامل مع اى حد حتى زوجات أصحابه. اعمل ايه؛ أفيدوني.
