ايه اللى يخلى الراجل ميتكلمش مع مراته ولا يفضفض لها ويحكى معاها؟ ايه اللى يخليه دايما ساكت قدامها؟ مع انه طول الوقت بيكلم جيران واصحابه الرجاله، يعنى متكلم؛ ولما بنروح لاهله بيتكلم ويضحك.
انا شخصيه متكلمه بحب اتكلم، كنت أحكي له كل تفاصيل يومى، وكنت ممكن اعمل اى حاجه عشان يضحك.
دايما اقوله اتكلم معايا، شركنى يومك قول اى حاجه، هز ثقتى في نفسى، مفيش اى مجال للكلام وبخاف جدا مقدرش اكمل، خايفه عشان خاطر عيالى، خايفه من حجات كتيرة.
حاسه انى نفسى اتكلم وافضفض، بس خلاص معنديش ثقه فيه، كل فترة اتكلم معاه واقوله تعالى نحاول و نجدد اللى بينا عشان حرام كل واحد يبقا مع نفسه كده، يقولى اتكلمى انا سامعك، بس معنديش اللى اتكلم معاكى فيه، اتكلمى انتى.
عاوزنى انا اديله كل الاهتمام وهو مهمل.
