مشكلة بيني وبين جوزي

[محتار]

انا متجوزة من اربع  شهور وحامل في الشهر التالت ؛ سبب الخلاف: النهاردة عندي كشف للدكتور وخليت جوزي راح حجز الكشف علشان اروح على المعاد علي طول وهو راجع جاب خضار وفاكهة وقالي نزلي السبت خديهم انا ساكنة في الدور الخامس الحاجات كانت تقيلة جدا عليا قولتلو نصصهم علشان تقيل مش قادرة ارفع برضو كانو تقال وانا من الصبح عمالة ارجع ودايخة وتعبانة من الحمل اساسا؛ روحت سبت الحبل والسبت كدة اصبح بقي في الشارع وهو واقف تحت.

فضل يرن عليا مرتدش ارد علشان عارفة انو هيشتم راح طلع وضربني علي ضهري وشتنمي وشتم اهلي وتف عليا وسب ...

وقالي النهاردة تغوري علي بيت ابوكي متجيش؛ انا بجد نفسيتي تعبت منه وبدأت اكرهه اساسا.

انا عاوزة رأي ستات البيوت اللي معمرين في بيوتهم رأيكن ايه؟ ارجع لاهلي ولا افضل في بيتي واتجاهلة خالص ومكلمهوش لحد مايعرف بغلطه.

انا مش عاوزة افرح الناس فيا ولا اشمت حد فيا ؛.

[إنسان حر]

انتى غلطانه علشان استفذتيه وهو غلطان اكتر منك علشان ضربك و سب.

[جناح طاير]

انتوا الاتنين غلطانين جدا جدا؛ انا حد من الناس بتنرفز لو رنيت على حد أكتر من مرة ومردش وممكن اتجنن لوحد يهمني امره افتكر فيه حاجة لاقدر الله.

وهو رد فعله برضه مش موزون؛ كان ممكن يعاقبك بطريقة أفضل من كده الصراحة.

فالحل انك تفهميه طبعك وانك عملتي كده -على كلامك- إنك اتجنبتيه علشان ما يزعقش وكده، وتفهميه إنك فعلا غلطانة، بس كمان تقوليله إنت رديت الغلط بغلط أكبر وانك بنت ناس مش جايبك من سوق جواري علشان يضربك.

والمفروض داه بيتك من أول ما اسمك اتكتب علي اسمه وانك مش ضيفة علشان لما تزعلوا يقولك مع السلامة.

ولازم تتكلموا ما تاخدوش جمب لكن لو اتكررت تاني يبقي ساعتها رد فعلك يبقي قوي ولازم حد من أهلك يتدخل.

[مستشار]

لا انا لو مكانه اكييد هيرمي عليكي يمين طلاق يامفتريه الراجل صايم وراح يحجز وجايب طلبات البيت وانتي مش قادره ترفعي السبت ورميتي الحاجه في الشارع وكمان يتصل مترديش.. لا انتي بجد قادره!! خليكي في بيتك ولا تروحي ولا تيجي وشوية والدنيا تروق هو كان متعصب لأنك بصراحة مستفزه وتستاهلي.