السلام عليكم يا شباب لاحظت ان الكل دلوقتي بيحاول يجيب Battlefield 1 من علي amazon prime gaming ببلاش فا لو إنت معاكش و لا فيزا و لا فودافون كاش و عايز اللعبة فأنا لاقيت الطريقة دي و جربتها و إشتغلت معايا فعلا و الشرط الوحيد ان يبقا معاك رقم اورانج
مع انتشار خبر نزول BF1 ببلاش علي خدمة amazon prime علي غرار الجزء الرابع من فترة و الناس بدأت تسأل ازاي تجيب فيزا لو مش معاها؟ و هينفع تاخد اسبوع مجاني تاني علي الخدمة ولا تعمل اكونت جديد؟
لقيت الطريقة ديه واحد منزلها علي جروب و جربتها بنفسي عشان اتأكد اذا كانت صح ولا إشاعة و اشتغلت معايا الحمدلله و النتيجة هي اني خدت اشتراك ٦ شهور في خدمة Amazon prime مجاناً
الطريقة سهلة و بسيطة و هي انك لو معاك رقم تبع شركة orange (موبينيل سابقاً) هتدخل علي اللينك اللي في اخر البوست و تسجل بيه و هيبعتلك كود عن طريق الرسائل هتدخله عشان تفعل الخدمة، هيتبعتلك لينك علي الرسائل تقدر تسجل من عليه بأكونت amazon بتاعك عليه عشان تفعل الخدمة علي الاكونت (ممكن تستخدم الايميل بتاع souq عشان هي تبع شركة امازون)
و بكده هتكون خدت اشتراك ٦ شهور مجاناً في خدمة video prime و طالما اكونت امازون بتاعك اتفعلت عليه الخدمة ديه اللي هي أصلاً مخصصة لمنصة video prime هتاخد خدمة prime gaming لمدة ٦ شهور مجاناً و تضيف كل الالعاب المجانية اللي بتنزل عليها و جميع الdlcs في مختلف الألعاب
و تقدر تدخل علي موقع gaming.amazon.com و تضيف لعبة battlefield 1 و battlefield V لما تنزل مجاناً يوم ٢ اغسطس
ملاحظة: بعد ال٦ شهور عشان تلغي الخدمة هتبعت STOP AMAZON للرقم اللي بيجيلك منه الرسائل و بكده هتوقف الخدمة قبل ما تخصم منك فلوس الخدمة بعد العرض المجاني ده و تقدر برضه تكلم شركة اورنج توقف الخدمة من خلالها أو تروح اي فرع و تخلي الموظف يوقف الخدمة.
ملحوظة : لما جربت الحوار دة فضلت قاعد علي الموقع بعد ما حطيت الactivation code بتاع ربع ساعة بس اخدت بالي بعدها ان في رسالة مبعوتة للرقم من ربع ساعة فيها لينك ادخلوا علي الرسالة دي اول ما تتبعتلكوا
https://orangeeg-amazonprimevideo.com/amazon/eg/orange/ar/
