أنا متزوج منذ ١٥ سنة، بس ما خلفت. وكنت أعمل في شركة، ولي محل تجاري أديره بعد الشغل حتى الليل، وبصراحة زوجتي كانت تدير المحل فترة ما أنا في عملي، وساعات ما بتروحش بعد ما آجي من الشغل وتقعد معايا عشان الملل من قعدة البيت، فأنا قررت أن تاخد مرتب من المحل، شهري، عشان ما اظلمهاش وتاخد بالها من المحل، لتفادي السرقة والخوف على مالنا.
وسمحت لها أن تعمل تجارة لها خاصة من خلال المحل، والحمد لله، حال تجارتها وتجارتي ماشي تمام وربنا وسع علينا من تجارة المحل اللي بنصرف منه ونأكل ونشرب.
بس هي دلوقت في الآونة الأخيرة تطالبني بنسبة من مالي، فقلت لها أنتي بتخادي مرتب خاص وبتتاجري من المحل اللي بادفع له كهرباء وماء و و .. مع العلم مصروف البيت مفتوح تمامًا، تاخد من الدرج وتشتريلنا حاجتنا احنا الاتنين.
فهل من حقها تاخد نسبة من مالي عشان اخواتي واهلي هيورثوني وتعبها هيضيع -زي ما هي بتقول- بعد ما اموت؟
وانا في وصيتي لاخوتي بعد موتي ان يعطوها حتى ترضى، وتسامحني في موضوع الخلفة لاني كنت المفروض اطلقها اول ما عرفت اني مش هخلف، فخايف اكون ظلمتها.
فهل واجب عليّ أن أكتب لها نسبة من مالي وأنا حي ولا ارفض؟
