أنا متزوجة وأحب زوجي جدا.ً معي طفل عمره سنة ونصف. زواجنا كان زواج تقليدي، هو ابن خالتي أكبر مني بـ 6 سنين، وأنا عمري 21 عام.
أنا مكنتش بحبه، كان عادي يعني، بس اتعلقت بيه جامد بعد الزواج، ووأحببته جدًا.
كتبنا الكتاب، وهو كان مسافر، فضل سنة وشهرين وكل اللي بيننا تواصل بالهاتف بس، لكن لا قعدت معاه ولا خرجنا.
نزل قبل الفرح بيومين، ومن يوم الفرح قعد معايا شهرين لظروف شغله وسابني حامل وسافر، قعد هناك سنة وشهرين وجه، ابني كان عنده 5 او 6 شهور.
الإجازة دي كان أول أسبوع بس هو الحلو، وبعد كده اكتشفت أنه بيكلم حبيبته السابقة، والواضح في الشات (دردشة الهاتف) أنه متعلق بيها، ولسه بيحبها.
دلوقتي زعلت وروحت بيت أهلي وكنت عايزه أطلق، وهو قالي سوء تفاهم، مع العلم أنه محترم جدا ويخاف ربنا فيا.
ودلوقتي هو سافر، وأنا عندي إحساس كبير أنه بيكلمها، وكمان مش حابه افتح الموضوع تاني، وخايفه اتسرع في أي حاجه هعملها، بس اللي اعرفه انها هي بتحبه فعلا، بس هو الله اعلم بيه، هو بيقول غير كده، مع ان احساسي مش بيكدبني ابدا، وفي نفس الوقت خايفه اظلمه.
