كنت أقوم بشراء خط لأوالدي من فرع لفودافون، وفي خلال شراء الخط السيلز طلب منه يمضي عقد الخط، ولحد هنا تمام. لكن بعدها بكام ثانية قاله امضي هنا كمان، فقولت اقرأ ليه يمضي تاني وعلى ايه! فطلع عقد اشتراك في خدمة فودافون كاش.
أولًا مش من حق الشركة تجبر العميل على الإشتراك في الخدمة، وعيب تشغلوا سيلز همهم التارجت والتحقيق، ولو حد كبير في السن قدامكم ميتمش شرح له هو هيمضي على ايه أو يشترك في ايه.
مفهوم إن الخدمة مفيدة لتحويل الأموال، بس أي رقم أو بطاقة رقم قومي ليها حد أقصى من المحافظ الالكترونية، فالعميل لازم يطلب يشترك مش يتم تمضيته على عقد خِلسه وهو بيشتري الخط.
طبعًا أنا سمَّعت السيلز الكلام ومديرهم الكلام، وكلامي هنا ده تحذير فقط للي رايح يشتري خط جديد، لو مش محتاج الخدمة لا تشترك فيها لإنك مش هتعرف تفعل محفظة البنك على خطك لو عندك محفظة تانية عليه.
وبعدين، كفايا الناس مستحملين شبكتكم الضعيفة بقالنا ٣ سنين، خدماتكم وخدمة العملاء عندكم في النازل وبس.
