تقول (ن.أ)؛ أنا أُحذر من التعامل مع عيادات Sparkle Cosmetic Clinics لعدم مهنيتهم وسوء الإدارة وطردهم للعميل.
قبل العيد، روحت عملت جلسة ليزر في فرع التجمع وبعدها بكام يوم اكتشفت عدم فاعلية الليزر في منطقة معينة.. فنتظرت اجازة العيد لما خلصت واخدت ميعاد امبارح الساعه 2 الظهر واتاخرت عن الميعاد، فالريسبشن كلمني وقالي فيه حالة دخلت وتعالي 3 وبالفعل وصلت في الميعاد -ولطعوني- نص ساعة، وبيدخلوا ناس، وابتديت اتضايق لاني عندي مواعيد تانية، وكل ما سأل انا مش بدخل ليه الريسبشنست تقولي اللي بيدخلوا كشف بس والفرع كله شغال بدكتورة واحدة.
لما لقيت كذا حد دخل وانا متأخرة ابتديت اتنرفز والدكتور طلعت -اللي عرفت انها اسمها مي الحبيبي- وانا بكلمها قلتلها "أنتي" فلاقيتها اتنكت وبتقولي اتكلمي باحترام وحولت الحوار لخناقة بيني وبينها وصلت لانها قالتلي اتفضلي بمنتهى الوقاحة وقلة مهنية.
قلتلها انتوا عاملين حاجة غلط ومحتاجة حد منكوا يصلحها ومش هدخل لكم عيادة تاني، قالتلي الإدارة هتكلمك، مشيت واستنيت الادارة تتكلم بس طبعًا مفيش.
كلمت اعمل شكوى ردت عليا بنت واعتذرتلي وقالتلي اتفضلي في فرع مصر الجديدة.. اخدت ميعاد وروحت -ولطعوني- نص ساعة والعيادة فاضية وكل ما أسأل الاستقبال تقولي الدكتورة معاها تليفون، قلت همشي عشان لا أضيع وقتي، لقيت الدكتور - دكتور ميرا - طلعالي في الاستقبال بتقولي (خير؟) كأني جيالهم البيت..
لما سألتها على اللي انا عايزاه قالتلي مقدرش اعملك حاجة النهاردة.. قلتلها اكشفي الاول، قالتلي لا، وكان اجابتها متضاربة على اسئلتي الطبية كأنها technician مش دكتور -كل ده واحنا واقفين في الريسبشن مش في غرفة الكشف زي الاماكن المحترمة-.
المكان ده يفتقر للمهنية واحترام العميل وحتى الاستهانة بتعويضه، فيه عيادات ليزر أفضل منه يكتير.
