المحرر موضوع: قبل ما تحجز وتروح مصايف مطروح: هنا دليلك لمميزات وعيوب الأماكن هناك  (زيارة 59 مرات)

جناح طاير

  • Sr. Member
  • ****
  • مشاركة: 265
    • مشاهدة الملف الشخصي
حديثنا اليوم شامل -إن شاء الله- عن مميزات وعيوب مصايف مطروح والأماكن اللي فيها؛ وخدماتها.

أولا: المميزات:
١- الجو هناك حلو طول اليوم حتى في الصيف والرطوبة قليله.
٢- البلد راقية حتى أزحم حته في أزحم وقت بتبقي مقبولة جدا.
٣- نقاء مياه في شواطئ معينة (قليله) رهيب وجميل.
٤- أسعار الألعاب المائية رخيص بالنسبة للساحل واي أماكن تأنيه.

ثانيًا: العيوب
ولكن في شويت حاجات ضايقتني أنا عارف أنها ممكن تكون عادي أو ميزه لبعض الناس لكن دي وجهة نظري:

١- مطروح بلد شعبية جدا والكورنيش بتاعها زحمة (سيرا على الاقدام ومليان معاكسات وباعه متجولين بشكل مبالغ فيه ويضايق والأسواق تشبه أسواق العتبة والعتبة أفضل.
٢-٩٠% من الشواطئ زحمه جدا يعني بين كل شمسية والتانية متر ونص وكله لازق في بعضه والبحر زحمه وبعدين تلاقي بتاع بطاطا معدي وناس تعدي تبيع هدوم وعوامات، بجد بشكل مبالغ فيه حسية أن مفيش خصوصية ولا استجمام علي البحر.
٣- الشواطئ إلى تتراوح عجيبة وبس وبس وبس (تقريبا هو نضيف عشان مفيش ألعاب مائية هناك فاء مفيش جاز أو بنزين أو كده) أو تروح شاطئ الأبيض تنقي مكان نضيف ومش زحمه.
٤- أنا قعدت فترة طويلة وروحت أغلب الشواطئ أدور على الصور والفيديوهات إلى بتشوفها دي مفيش أغلبها مليان أعشاب الطحالب دي، أو زحام رهيب أو مياه مش نضيفه، حتى شاطئ الأبيض بتاع القوات المسلحة دفعنا كثير في الآخر قعدنا صف تأني وبرضو البحر مكانس نضيف قوي، الفيديوهات دي تقريبا بتتصور وقت الفجر كده (الكلام ده باستثناء شاطيء عجيبه).
٥- كل الشواطئ مفيش عليها خدمات، يعني مفيش حمام نضيف أو مكان تغسل رجلك فيه أو تاخد شاور بعد البحر ولا فيه منقذ وحد ينبه الناس من السحب، والغرق
الا بتاع القوات المسلحة كان فيه).
٦- الشواطئ النظيفة (القليلة) كلها بينها وبين وسط البلد مسافة كبيرة فاء كل يوم ناخد ساعة إلا ربع رايح وزيهم راجع لمكان إقامتنا، طبعا كان شيء سخيف خصوصًا لو معاكش عربية وخصوصا أنك ماشي مزلق من ملح البحر ومش واخد شاور.
٧- الأكل في مطروح كله مش حلو أو مش مميز، أنا جربت كل الأسامي الكبيرة اللي الناس قالت عليها سواء في السمك أو الاكل البدوي، ودفعنا دم قلبنا وأكلنا اكل وحش أو عادي.
٨- كهف الملح روحنا عشان نطلع الطاقة السلبية واندفنت بالكامل في الملح ولا حسينا بأي فرق بالعكس فضلت مقريف بقيت اليوم والله، منصحش حد يجربه خالص (مع أن في ناس بتقول أنه مريح وكده).
٩- سوق ليبيا- ده محتاج مقال لوحده، أولا هو زي الأسواق الشعبية اللي في الشارع بس منظم شويه ثانيا دخلنا محل نجيب منه كريمات وشامبوهات وبرفيومز مستوردة وكده؛ أول حاجة سألنا عليها قالنا سعر حلو جدا، فاء بضّعنا بقي كلنا بعد ما طلعنا دخلنا المحل اللي في وشه لقينا الراجل مزود علينا بتاع ٥٠٠ جنيه، رجعنا له واختناقنا معاه ومكنش راضي يرجع الحاجة ودوخنا وفي الآخر رجعلنا ٤٠٠ جنيه؛ مع أنه مكنش راضي يفاصل في جنيه، المهم لما رجعنا القاهرة لقينا الحاجات نصها منتهي الصلاحية والشامبوهات جواها ميه، منصحش حد بيه خالص.


هنا كمان ممكن تَطَّلِع على: مصيف مطروح: ما تود معرفته قبل الحجز ودفع المال
« آخر تحرير: تـمـوز 26, 2021, 06:31:46 مسائاً بواسطة جناح طاير »