انا مش عارفه اتعامل مع حماتي ازاي! بجد زهقت، اول ما اتجوزت فضلنا متخاصمين حوالي ٧ شهور، ولما ولدت اتصالحنا، واتخاصمنا عشان الترويق وشغل البيت، وفي ٢ تاني غيري، بس دول مش بيكلموها، وسلفتي الكبيرة اتصالحوا، وبرضوا مش بتعملها حاجه.
عيزاني انا افضل خدامه، ودلوقتي البيبي تاعبني، وزن على طول، ومش بعرف اعمل منه حاجه، ولا بعرف انام منه، وعيزاني على طول تحت، ممكن اطلع الساعه ٢ بالليل وبرضو مش عاجبها، ولما تخرج تروح تزور حد او تقعد مع صحابها عيزاني افضل قاعده تحت، ولو روحت مع صحبتي في حته تخلي يومي اسود وتسخن جوزي.
وماما كانت عايزه تشتري حاجه، روحت معاها، سخنت جوزي عليه وقالتله مش هروح معاها نطعم الواد ومليش دعوه، روحت انا وماما وبقالي ٣ ايام انزل قالبه وشها وانا دمي محروق ومش طايقه نفسي، واشتكي لجوزي يقولي امي دماغها صغيره..
طب انا ليه أعيش في النكد والهم ده؟ وكمان ماما في الشارع اللي ورايا مش عايزاني اروحلها ابدا، تيجي هيا وتقعد شويه وتمشي؛ ده اللي هي عايزاه.
