أنا متجوزه من ٤ سنين، وجوزي ظروفه على قده، وكذا مرة اتزنق في فلوس، وبعت له من الدهب.
انا لا أحكي لحد ظروفي ابدا، لاني مش بحب استلف من حد، انا راضيه وعايشة مرتاحة البال.
أمي وأختي دايمًا بيتدخلوا في شئوني، ويعايروني انه جعلني أبيع ذهبي، وان اهله اللي مفروض يساعدوه مش أنا.
اخوه خطب من فترة قريبة، وجاب ذهب لخطيبته. لقيتهم بيتغمزوا عليا ويقولوا ده بيعها دهبها، شوفو منظرها.
انا عايزه اعرف هل فعلا انا غلط؟ ولازم احكيلهم على كل حاجه قبل ما اتصرف وابيع، ولا اعيش زي مانا؟
