كيف اتدلع على خطيبي بالكلام بلطافة ؟

[محتار]

تسأل؛ اتخطبت منذ فترة طويلة؛ لكني لا أُجيد فن التعامل مع نصفي الثاني؛ رجاء انصحوني: كيف اتدلع على خطيبي بالكلام الطيب والغير خارج أو مُخِل؟

السؤال: ايه الحاجات اللي اقدر اقرب بها منه في الخطوبة وقبل الجواز؟

أرجوا النُصح بشكل عفوي وهادئ؛ بلا تجريح.

أُخت فاضلة قالت لي: خليكي على طبيعتك؛ وكلميه بذوق وحسسيه انه مهم عندك. اسألي عن أخباره، وأخبار شغله وأهله، تفاصيل يومه.. كده يعني.

الحقيقة كلامها طيِّب؛ لكني بحاجة إلى المزيد مِنكم.. وشكرًا مُقدمًا.

[إنسان حر]

أختي؛ انتى هتتعبي نفسك. اللى شاريكي وبيحبك هيحبك زي ماانتي.. خليكي طبيعية؛ حتى عشان بعد الجواز لا يصطدم بشخصية أخرى.

خليكي طبيعية من غير تمثيل، ولكن أكيد عامليه بلُطف وخلي لسانك حلو.

ولعلمك؛ المفروض تكوني حذرة منه لانك لسة خطيبته، وده إنسان غريب عنك. لما يكون جوزك اتدلعي عليه ودلعيه، غير كدة لأ. كوني محتشمة في وجوده ومتقعديش معاه لوحدك علشان الشيطان ثالثكم. الله معاكي.

[جناح طاير]

أنصحك بلاش تبصي للبنات، لأن اليومين دول بيحصل بلاوي.

عايزاه يحترمك دلوقتي، وبالأخص بعد الجواز؟ احترميه وقدريه واضحكي وهزري؛ بس خلي حدود بينكم.

وبحبك، وتدلعيه، وده كله.. الشباب بتحبه؛ بس بتيجي بعدين يعايرك ويذل فيكي.

أظهري له انك بتحبيه وكل حاجه، بس مش بالكلام. عرفيه انك آه بتحبيه وكل حاجه بس كل اللي انت عايزه من حب ودلع وكلام من ده يبقي بعد الجواز.

[مستشار]

بعد الجواز إن شاء الله اعملي اللي انتي عايزاه.

الخطوبة للتعارف والتوافق أهم من العلاقات العاطفية؛ تعرفي على طبعه وطريقة تفكيره واتناقشوا كتير وافتحوا مواضيع علشان تعرفوا هتحلوا مشاكلكم ازاي!

ولو اتفاهمتم؛ الحب هييجي.. اما لو حبيتوا بعض من غير تفاهم!! يبقى ربنا يستر على مصير زواجكُم.

سؤال: هل خطيبك تذمَّر من أسلوبك الجاد ويرغب في دلعك؛ أم هي رغبتك انتِ حرصًا على بقاءه؟ فاذا كانت رغبتك لا تتدني بمستوى العلاقة، وإذا كانت رغبته فلا تكوني إمّعه لرغباته، ولا تتدني بمستوى أخلاقك لإرضاءه؛ هل تضمني أن يتزوجك ؟

المفروض تعرفي شخصيته الأول. وحاجه مهمة جدا؛ لازم يكون كل حاجة بصِدق، بلاش كذب. دي أكتر حاجه ممكن تخلي أي علاقة تفشل؛ وربنا يسعدك.

خليكي طبيعية، بلاش تصنُّع وأفورة، وتعيشي دور مش دورك. التقدير والإحترام أهم حاجه، طبعًا معاهم عدم الكذب. خليكى صادقة في كل كلمة وخلى الدلع بعد الجواز.

أحلى نصيحة ليكي انك ما تقلديش حد، ومتسمعيش رأي حد، ومنك له مباشرة عشان اللي حضرتك بتعمليه ده نوع من الحواجز.

وبردوا خليكى نظيفة، واغسلي أسنانك؛ مش عيب دي يعني.

اتصرفي بطبيعتك وعفويتك، انتي هتكوني مراته مش هتبقي تمثلي عليه؛ وفي نفس الوقت خليكي مهذبة ومحترمة حتى لا يتعدى حدوده معكِ إلا بما يرضي الله.

نصيحتي؛ خليكي تقيلة ونفسك عزيرة، ماتبقيش زي البنات الملهوفة واللي بتجري وراه، حتى لو كان خطيبك. لما تتجوزي قولي الكلام اللي نفسك فيه. دي وجهة نظري.