أرشدوني؛ زوجي لا يهتم لزعلي ولا يفرق معاه شكوتي. هو مسافر؛ وبسبب الكورونا بقاله سنتين منزلش. أول مره نبعد أوي كده، كل شيء تقريبا اتكسر بيننا في هذه الفترة، مشاكل وخلافات ومابقاش فيه أي مشاعر.
كان الاول بيخاف على زعلي؛ لكن الآن مبقاش فارق معاه وجودي أساسًا، ممكن يطلقني عادي جدا.
الجديد بقى ان كل حاجه بقى بيتلكك ويعملي بلوك من على كل حاجه، معرفش اوصل له غير اما يجيله مزاجه، بعد شهر او اكتر، يفكه ويبعت.
ميسألش حتى علي أولاده؛ أنا كنت الاول اترجاه، بس بقى بيتكرر الموقف كتير جدا. فأصبحت مش عارفه اعمل ايه، انا متدمره نفسيًا جدا رغم اني كنت ناجحه جدا في حياتي، وخريجه كلية علمية، بس رافض اشتغل.. يومي كله متمحور عليه بس، مفيش اي جديد.
ممكن حد يفيدني؟
