المحرر موضوع: كيف اعرف ان زوجي يحبني وهو بعيد عني  (زيارة 54 مرات)

محتار

  • Sr. Member
  • ****
  • مشاركة: 331
    • مشاهدة الملف الشخصي

كيف اعرف ان زوجي يحبني وهو بعيد عني

« في: آب 07, 2021, 05:12:29 مسائاً »
مشكلتي في سؤالي باختصار: كيف اعرف ان زوجي يحبني وهو بعيد عني وانه ليس غدار وكذاب؟. والموضوع تفصيلاً أني متزوجة لي ٨ سنين، وزوجي -على كلامه- بيحبني ويقول لي انتي كل حياتي، والكلام الحلو ده.

بس انا باستمرار أشك فيه وأحلم انه يخونني على طول، وأقول له، يقول لي: انتي عمري وانتي و و و و.. وشكوكي واحلامي طلعت صح، هو بيسافر كل إجازة وأشوف تليفونه، والاجازة دي شفت بلاوي، يكلم بنات كتيير، مش واحده ولا اتنين فقط! ورسائل وصور ومكالمات فيديو، وفيه ٢ معاه في الشغل -سمعتهم سيئة- مكلمهم كل يوم واتس، وصور ومكالمات، واللي على الفيس بوك واحده واخد رقم تليفونها، وهو أعطاها رقمه، ومتكلمين أوقاتهم متأخر بالليل.

هذا؛ مع اني غير مقصرة معه؛ من بيت ولا عيال، وهو لما يطلب حاجه وانا بكلمه في التليفون باعملها له بحب.

واجهته بالرسائل وكده، قال لي واحد صاحبي كان عايز اشوف البت بتاعته بتكلم غيره ولا لا! ومره يقول انه هو، وبعدين قال اللي شفتيه غير اللي في مخك خالص، واللي معاه في الشغل بيقول انه مش مديهم وش، وكل رسائله بيطمن عليهم ويكلمهم في كل حاجه.

انا بعد كذبه وخيانته مش مصدقاه في حاجه، وصعبانه عليا نفسي، ومش طايقاه وعايزه أطلب الطلاق منه، بس المشكله معايا ٣ أطفال.

ولما يسافر هبقى على طول في التفكير ده، مخي فيه حاجات كتير متخيلاها، هيعملها وبيعملها، مبقتش أثق فيه ولا اصدقه.

وكلامه كله عن الجنس، وانا ماقصرتش معاه على التليفون، وهو على طول متهيج جنسيا.

وفيه واحده كان بيسألها على سكنها، وواحده بياخد رقم تليفونها، ومكالمات فيديو.. هموت من التفكير ومن اللي باتخيله، وصعبانه عليا نفسي، وعايزه أطلق؛ بس العيال اعمل فيهم ايه.

ارجوكم ساعدوني؛ كيف أعرف زوجي يحبني من قلبه ومش مجرد نفاق؟

جناح طاير

  • Sr. Member
  • ****
  • مشاركة: 265
    • مشاهدة الملف الشخصي

رد: كيف اعرف ان زوجي يحبني وهو بعيد عني

« رد #1 في: آب 07, 2021, 05:14:32 مسائاً »
هو ليه كل مشكلة تقابل اي ست تمسك عايزة أطلق عايزة أطلق؟

انتم فاكرين الطلاق ده سهل عليكي ولا علي اولادك .. فاكرة الحياة هتبقي بامبي لما تكوني من غير راجل في مجتمع مريض ذي مجتمعنا.. فاكرة انك هتعرفي تكوني ام واب وتقدري تربي لوحدك اطفال في الزمن الصعب ده.

استهدي بالله .. اولا حطي في بالك ان جوزك بيخون ربنا قبل ما بيخونك انتي.. يعني التعامل معاه علي انه مريض نفسي وعالجيه واقفي جامبة واصبري لحد ما ربنا يتوب عليه وحاولي مرة ومليون لحد ما يرجع لربنا.

حاربي علشان بيتك ورجلك وابو اولادك.. اركني العاطفة علي جنب وفكري بالعقل.

شغلي قرآن بشكل دائم وقربي من ربنا وذكريه بالتدريج بالصلاة وعقوبة الزاني عند الله وان فيه زنا جوارح ليه عقابه عند الله.. وانك مش سهل عليك تتنازلي عنه.

واصلحي من حالك .. احنا مش ملايكه .. تناسي لفترة وخديها رهان بينك وبين نفسك انك تفوزي بالحرب دي.

من ناحية اصلحي بعلاقتك بربنا واكثري من الدعاء واصلحي علاقتك الشخصية بزوجك .. تناسي لفترة زمنية محددة ولو شهر.

ومن ناحية تانيه خدي أرقام الستات دي واسكرين لاسوء كلام بينهم وهاتي رقم جديد وكليميهم الواتس انك راجل وعايزة تصحبي وان فلان الهو المحروس جوزك قالك انهم شمال أو حساب جديد علي الفيس .. يعني ارعبيهم .. وعرفيهم انك عرفتهم وهتسوئ سمعتهم.

وحتى لو عرف مش مهم؛ حاربي علشان بيتك وزوجك وابو عيالك مش لاقيه في كيس شيبسي وخليكي قوية؛ وبلاش ضعف.