أنا عندى مشكلة انى مش عارف ارضى امي ولا عارف ارتاح من ظلمها، ىمن يوم ما اتجوزت وهى بتعتبر مراتى ضرتها وبتعاملنا اقل من اخواتى لان ظروفى الماديه مش كويسه.
و لما ربنا كان بيكرمنى ماكنتش ببخل عليها بحاجه، بس لما سبت شغلى بسبب ظروف حصلت وربنا يعلم بيتى كان ماشى ازاى وبصرف من فلوس جمعيه لسه ماسددتهاش وهى ما شاء الله بتقبض معاش كبير وهى عايشه لوحدها وانا عمرى ما بصيت لحاجه عندها.
حتى لما اخوها نفسه كان بيقبضلها معاشها كان بيخنصر منه فلوس وما اكتشفتش ده الا لما انا قبضتلها لانى الحمدلله عينى مليانه ومش ببص لحاجه غيرى، بس هى قالبه عليا دلوقتى عشان مش بعمل اكل على حسابى واكلها.
والواحد ربنا يعلم بظروفه؛ وقولتلها قبل كده وهى مش مصدقانى او فاكره انى شايل حاجه على جنب وخلت اخواتى يكرهونى بسبب كلامها دايما معاهم عنى بالسوء.
واخر مره اخويا اتخانق معايا وفتح دماغى وهى ما سألتنيش حتى عامل ايه؛ وحتى لما بصالحها بتعاملنى اقل من اخواتى وبتظلمنى ومليش نفس اكلمها تانى خالص، بس مش عارف انا كده عليا ذنب قدام ربنا ولا ممكن يسامحنى عشان بتقى شرها ؟؟
محتاج رأيكم ..
