بداية أوصيكم وأتمنى أن تقرأوها قبل أن تتعرَّفوا على مشاكلي (
سلاما للذين يقولون لنا كلاما جميلا غير محبط)؛ انا مخنوق من حياتي ومخنوق من نفسي، ومش عارف اتطوَّر ولا أغير من نفسي. فشلت في
الثانوية العامة وجبت ٥٥% وأعدت الصف الثالث الثانوي مرتين؛ دخلت كلية مش حاببها، أمي كانت عايزاني دكتور وابويا كان عايزني ظابط، وخيبت املهم فيا ومفرحتهمش.
ومش عارف اخد كورسات ولا عارف اتعلم مهارات، قدمت في اختبارات نادي كورة وفشلت في اكتر من نادي.
وقدمت امام في مسجد ومنفعتش، وقدمت في كورس اعلام وكان غالي مروحتش.
و حاولت اعمل حاجه في التمثيل الإسلامي ومعرفتش.
يومي بيتكرر هو هو نفس اليوم، مفيش حاجه جديدة.
اتسرق مني تليفونين ثمنه ١٢٠٠٠ جنيه.
كنت خاطب واحده وغدرت بيا وسابتني بعد ما حبيتها سنة ونصف، وزفافنا كان فاضل عليه ٦ شهور، حياتي متلخبطه من ٤ سنين. مش عارف عايز اعمل ايه ولا عارف اوصل لايه.
من كتر الخنقه فكرت انتحر بس رجعت في قراري علشان لا أموت كافر.
طلعان عيني في
الشغل ومفيش تقدير من صاحب الشغل، أعمل ساعات ١٣-١٤ ساعة في اليوم ومش عاجب.
حالي بعيد اوي عن ربنا، ولا أُصلي، وحافظ
قرآن ولا أراجع.
كل اما افتكر اي حاجه وحشه حصلت ليا اكتئب ويومي احس انه اتقفل.
قمت بزيارة دكتور نفسي قال لي اضطرابات شخصية والعلاج لم يأتِ بفايدة.
أبويا لا يتعامل معي على أنني كبرت، وطول الوقت يتخانق معي وانا لا أقبل منه الكلام.
أصبحت عصبي بدرجة غبية ولا أتحمل، وخلقي أصبح ضيق.
تعبت من الحياة واللي فيها ولا أطيق نفسي، لا أستطيع التعامل مع الناس؛ أريد العيش وحدي وأبعد.
لا أستطيع الخروج من التعب والهم والغم؛ طوال الوقت تعبان وجسمي حاسس انه متكسر.. ومش عايز أعمل أاي حاجه.
